David Beckham In C.Ronaldo A Lei Ding

0
952

Free kick a sit thiamtuk ruangah le a hmelthat zet ruangih bawhlung thawn rak lar zet zotu David Beckham hi bawhlung sit a colhsan zo nan, bawhlung thawn pehtlaih awknak a nei ringring ih US ah club pakhat neitu a si. A club hmin cu Inter Miami tiin hmin a sak fel ih US league niamsawn ah an lek rero lai. Asinan 2020 ahcun US ih bawhlung league sangbik Major League ah an lek thei thlang ding a si.

2020 kum cun US ih league sangbik Major league ih an lek thei thlang ding ruangah Inter Miami neitu Beckham khal a tangzet ih milar tampi lei ngah tengteng a tum. Milar a lei tum mi sung ihsin C.Ronaldo cu a lei hmaisabik tummi a si ih 2020 season thok hlanah leifel thei a beisei.

Tuah C.Ronaldo hi kum 33 a tifel zo ih Juventus hrang kum 4 daih contract a nei lai. 2020 ahcun kum 35 a kim thlang dingih Juventus ah kum 2 contract a nei lai ding nan a upat thlang ding ruangah Beckham cun lei thei a zum aw zet.

US Major league hi milar kum upa zo pawl lehnak hmun deuh a si ih Rooney le Ibrahimovic khal Major league ah an lek rero lai. Cun Gerrard ,Lampard ,Kaka ,Pirlo le Keane pawl khal kum upa an si hnu ah Major league ih rak lek rero zopawl an si.

Reff : Goal.com

 

LEAVE A REPLY

Please enter your comment!
Please enter your name here