2018 Hnakin 2019 Ah Phunhra Phitu Ding Mipum Thawng 50 An Karh

0
305

A ra lai ding mi 2019 March thla ih phunhra phitu ding hmin petu hi mipum 890000 lenglo an kim thu Kawlram phunhra ca zohdiknak zung hotu U Moe Myint Kyaw in simnak a nei.

Phunhra exam hi 6 – 15 March 2019 ah tuah dingin theihter-awknak tuah a si zo ih phi dingin hmin petu hi Kawlram pumhuap in mipum 896012 an kim. 2018 phunhra rak phitu hnakin 2019 phunhra phitu ding hi mipum 50000 in an țhang tiah theih a si.

2019 phunhra phi dingah a tam bik hmin petu hmun hi Yangon ramthen ihsin mipum 130000 kiangkap an siih, a pahnihnak ah Mandalay ramthen in mipum 120000 kiangkap an si. A pathumnak hi Sagaing ramthen sung a siih mipum 120000 kiangkap an si thotho. Kum tinten phunhra phitu an karh tikah zohdiknak zung khal kum tin in hmun 100 hrawng an țhan ringring tiah theih a si.

Ram pumhuap in phunhra phitu hi 2015 ah mipum 632314 an siih 2016 ah 671431 an si. 2017 ahcun mipum 767422 an siih 2018 ahcun mipum 844358 an si. Kum tinten phunhra phitu an karh tikah zohdiknak hmun khal karh vivo a siih 2015 ahhin 1376, 2016 ah 1470, 2017 ah 1594, 2018 ah 1741 tin zohdiknak hmun an tuah.

Atu phunhra phit ding mi ahcun zohdiknak hmun a mal bik in hmun 1880 tuah dingin ruahmannak neih a si thu ministry of information in theihternak an nei. Ref: Xinhua

 

LEAVE A REPLY

Please enter your comment!
Please enter your name here