A Awmdan Ah Hian Han Lungawitheihna Chi Reng A Nilo

1
2415

Kan pianphung leh landan te duh khawp lo in a ai tha zawk nih chak in kan han beisei a, a ni hi han en teh. A awmdan leh a landan ah hian lungawitheihna chi reng reng a nilo. Chuvang in piangsual lo a fu ke kim a i pian a vang ringawt pawh khan inchhuang hle tur i ni.

China ram a mi chu a hmai ah rapthlak khawp in bawk lian tak mai a awm. A hmaia Tumor hi 33lb zet a ni a, a hringnun zingkawng chu a harsa hle a, mi pangngai te anga a awm ve loh vang in nun hrehawm tih ngawih ngawih chang te pawh a lo nei ve bawk.

Amah hi a hming Huang Chuncai a ni a, kum 39 mi a ni. A awmdan hi Neurofibromatosis tiin an lo sawi. Yongxin Country a cheng a ni a, kum 35 chuang zet chu a hmaia bawk lian leh rapthlak awm chung hian hringnun a lo hmang ve ta.

A hmaia bawk lian tak avang hian ‘Elephant Man’ tih te a koh a lo nih phah hial. Nuai bo tum in han bei mahsela Medical Operation pawh in a tanpui thei chuang lo.

Huang hian tum 4 lai Surgery a lo hmachhawn tawh a, 2007 khan surgery hmasa ber hi a lo nei a, a hnu hian vawithum lai nei zui lehin amaherawh chu engmah a ang thei lo.

A chhungkaw kiang ah mi pangngai dang te ang in a khawsa ve a, a landan avang hian hmuhsitna,mak ti tu tam tak pawh a tawng. China a Show pakhat ah chuan inlan turin sawmna a dawng a, mahsela Show a an sawmna ah hian inlan duh lovin a lo hnar a ni.

ER

1 COMMENT

LEAVE A REPLY

Please enter your comment!
Please enter your name here