A Bialpa Hlui Pa Chu A Pasal A Ni Daih

0
2324

A bialnu hlui ‘Nu’ tia han koh chu a harsa ve duh ngawt ang le. Eng vanga zaleng hei zawng zing ah a bialnu hlui hian a pa kher thlang nge a ni tih chu i chhiar chhuah hun ah i hre thei chauh ang.

China ram a kum 65 a upa Lao Zhang chuan a fapa in a lo chul nel tawh hnu chu nupui atan a lo nei a, a fapa bialnu hlui a nei erawh a thil tihsual lian tak a ni.

Lao Zhang hi kum 3 liam ta khan a nupui in a boral san. A nupui in a kal san hnu hian in lam ah amah te in a awm thin a, a fapa chu hmun dangah hna a thawk. A kum te tam tawh viau mahsela nupui neih chu a la duh tlat a, a hmeichhe tum tawk chu a melh a melh ve.

Nupui han neih leh tura a rilru a siam lai chuan a hringnun ah hmeichhe thar a lut a, chu chu a kum nen pawh in phu lo tak mai, a fa rual lek kum 28 mi chu a ni. Hmeichhia a chhar tak chu a mah nen a in mil loh em avang in mak tih pawh a hlawh hle.

Lao Zhang hi Xiao Meng nen an intawng a, an intawn na chu park ah a ni. An inkawmngeih chho dun hle a, chutia an han inkawm chhoh zel tak ah chuan an inkarah hmangaihna chu a awm ta a, hmangaihna dik erawh a nilo, phuba lakna lam zawk thil.

Xiao Meng hian Mr. Zhang nena an inneihna tur chu Register a duh. Zhang pawh chuan a lo duh nasa. Mahsela midang te thlir dan atang in Meng hnen ah chuan heng te hi inbumn a ni nge tih chu zawhna a lo nei a ni. Mahsela a hmangaihna chu a tak tak niin a ngai tlat si.

Ti chuan inneihna register chu an pahnih ve ve in an rem ti. Mr. Zhang pawh hian a fapa pawh rawn hmasa lovin nupui hi a nei a, an inneihna hian a chhungte lam pawh a thawng hle. Xiao Meng chu buaina nei leh phiar rukna thil awm ang in an ngai.

An inneih hnu a thlakhat a liam hnu ah chuan Meng chu a pum puar in a nau pai a langchhuak tan ta a, a pasal kum 65 mi Mr. Zhang erawh chuan a nupui nau pai hi mak a ti viau. A chhan pawh in lama an let hnu ah Meng hi vawi te khat mah a khawih eih loh thu a sawi a, engtia a puma naute chu awm ta ringawt nge a ni tih a hrethiam lo takzet.

Mr. Zhang chuan a fapa chu a ko hawng a, a fapa a han koh haw chuan thil harsa chu a pawm a tul. A fapa in lama a let chuan Meng a hmu thut a, mak a ti. A chhan chu a bialnu lo ni tawh ni a engvang a an in a awm nge tih chu a hrethiam lo. Meng chuan a zawhna chu “hei hi ka in a nih hi, ka nu tiin min ko rawh” a lo ti.

Mr Zhang chuan a nupui thar leh a fapa lo inhre sa ta lutuk chu a ngaih a tha lo. Chutianga an lo in hriat sa em em chhan a hriat erawh chuan a thawng thung. A nupui ni ta chu a fapa nen hian an lo inkawp tawh tih a hrechhuak. Kum 3 dawn chu hmangaihna hruikhat an lo vuan dun tawh. Mipat hmeichhiatna hmangin an chesual fo a, nau hial a lo pai. Mahsela fa a duh loh vangin a fapa hian a tih tlak tir a, hetia a rai leh tak hnu pawh hian a nau pai chu a pawm chuang lo. Damdawi in lama nau ti tla turin a ti doctor  erawh chuan Meng hi nau a tih tlak zin vangin a nau pai chu a ti tla leh a nih chuan nau pai a harsat tawh hle tur thu a hrilh.

Thingthi in Xiao Meng chuan ngaihdam a dil. Mahsela a ngaidam thei lo. A nupui leh a fapa chungthu chuan Lao Zhang chu mak a tih tir em vang in han sawi tur pawh a hrelo.

Lao Zhang hian a fapa chu a dem phah hial nghe nghe a, a fapa erawh in engvanga a nupui neih tur hrilh lo nge a ti let ve thung. Xiao Meng chuan a tir atang a pawm ngai reng reng lo a, amah leh a fa chu an chhungkua a an luh ve theihna tur chauh a ti a ni. Kum 3 lai a lo hmangaih tawh a pasal fapa lakah chuan a thinrim hle thu a sawi nghe nghe. Hei hi mi 3 te inkara harsatna leh buaina awm ta chu a ni.

Feedy

LEAVE A REPLY

Please enter your comment!
Please enter your name here