A BIALPA VAWI TAMTAK LO PAWNGSUALTU NU CHU

0
7225

He news zet chu mak dangdai khawp mai. Mipain hmeichhia an pawngsual țhinthu chu mi zawng zawng hriat ani. Mahse, he nu ve thung chuan a bialpa a lo pawngsual fo a ni. Kan khawvel hi a mak tawh hle mai. A bialpa hi vawi 12 tehmeuh a lo pawngsual tawh thu chu Police hmaah a sawi.

Engtin nge a pawngsual theih i ti mai thei apawngsual dan chu; kum 18 mi “Mikoy leh amah pawngsualtu a bialnu hi (Brangay Cordilleras) khawsa niin school pawh an lo kal dun tawha an school kalna atang inngaizawng an ni.

A bialnu zawk hian (mipat hmeichhiat) na hmang dun turin a lo sawm fo tawha mahse “Mikoy hian a duh lo. Kan in neih hunah kan hmang zawk dawn ania tiin a chhang țhin. Tumkhat chu a bialnute in ah a va lenga a bialnu hian thingpui a siamsak. A thingpui siamsak ah chuan damdawi a lo pawlha “Mikoy chuan engmah hre lovin a in ve maia a che thei tawh lo.

Che thei lova a awm lai chuan a bialnu hian vawi 2 a pawngsual. “Mikoy hian thil engkim a hre veka mahse a che thei lo a ni. Duh tawka vawi 2 a pawngsual hnu chuan a kut leh ke-ah hruiin a phuarbeta room chhungah a dah. Darkar 2 hnu velah “Mikoy pawh chu a rawn thoharh theia mahse tlanchhuak thei lo turin a bialnu chuan a lo phuarbet ta si.

Bawnghnute leh chaw tha tak tak a pea a phuarna erawh a phelhsak chuang lo. Tha (energy) awm turin chaw tui tak tak a pe a ni. Tichuan, a ngai ang tein a pawngsual leh. Darkar 24 chhungin vawi 12 a pawngsual a ni. A pawngsual mai chu duhtawk lovin a sawisa zui bawka a taksa ah hliam hmuh tur a awm nual bawk.

Zinglam dar 3:00 am velah a phuarna hrui chu phelhsakin a hawtir. “Mikoy hian police a call nghala ataksa ah hliam na tak atuar avangin leh Tha (power) a neih tawh loh avangin a kal tha hleithei lova police chuan Damdawiin ah an phur nghal. A hnungzang leh a mal velah hmawlha vuakna hmunhma hmuh tur a awm nual a ni.

Thisenvar a hlauh tam em avang pawhin hun rei tak inenkawl a ngai ang. A bialnu hi police in an man nghala vawi 12 a pawngsual thu leh kut a thlak thu pawh police hnenah a inpuang. Kum 5 chhung lungin tang turin a chungthu an relsak a ni.

Source: The Sun

LEAVE A REPLY

Please enter your comment!
Please enter your name here