A bialpain a propose, mahse a hna a chân phah

0
1010

A bialpain a surprised, a propose a, mahse a hna a chân phah

Chinese nula Jiao (kum 26) mi chu China Eastern Airlines Flight-ah air hostess hna thawk mek a ni. An flight hi Xi’an ațanga Yichuan service țhin a ni awm e.

Tuk khat chu, thlawhna chhungah a tih tur, a hna a thawh mawlh mawlh laiin, kum 4 teh meuh rinawmna thu a lo tiampui tawh a bialpa chuan a rin loh takin a hmaah țhițhi raih chungin, ‘Will you mary me?’ a rawn ti thut mai chu a phu chiang kher mai.

Rei lovah hlimna leh lawmnain a rawn luah khat nghal a, passengers zawng zawngte hmaa a bialpa sawmna leh ngenna chu a pawm a ni tih entir nan zungbun leh pangpar chu lawmna sawi hleih theih loh nen a dawnsak ta a ni.

Passenger-te lawmpuina kut beng thawm a ring țha ham ham hle. A lawm lutuk vanga a bianga mittui luang ngiai ngiai chu hruk mawlh mawlh pahin, an lawmpui avanga a lawm thu a sawi lawm lawm a ni.

Mahse, an hlim dun em em laiin, manager kohna a dawng ta tlat mai. Hna pawi-mawh tak, passenger-te himna tur hna thawk a nih laia hetiang thil a chunga thleng hi an ngaithiam thei lo va, a hna ațanga chawlhtir nghal a nih thu an hrilh ta tlat mai.

He thil thleng hi online ațangin mi tam tak chuan, ‘a hriat sa pawh ni hlei lo, an ti lutuk a ni,’ tia he nula lo țan tlat an awm laiin, ‘thlawhna a țum fel ta, a him ta tih hunahte propose mai tur a nia,’ ti tawk an awm ve bawk.

Mi ram chuan hna an ngai pawimawh hle tih kan hre thei awm e. Eng pawh ni se, pawi ta ber mai chu a hna duhawm tak a chân ta hi a ni. A bialpa hian rilru hlim taka a siam theih leh si loh chuan a pawi ngawt ang le.

LEAVE A REPLY

Please enter your comment!
Please enter your name here