A Fanu Kum 11 Chuan Thla 7 A Upa Nau A Pai Mek Ani Tih A Hriat Chuan

0
2013

Nu leh pa te u kan fanu te enkawl leh ngaihven kawng ah hian a aia nasa zawk in i fimkhur zel teh ang tih hi ka chah in ka hrilhnawn mawlh mawlh duh che u. Pawi a thlen hun ah chuan inchhir in awmzia a nei tawh dawn der lo a nia.

A fanu chu School pangngai takin kal chho zel sela mi ropui leh chhuanawm tak ni se tiin a lo suangtuah ve neuh neuh awm si a, a rinloh lutuk tak maiin a fanu chungah chuan thil duhawm lo a thleng leh ta si a, hringtunu rilru chu a va han na tak em.

Ms. L tia koh hi kum 4 liamta khan a pasal chuan Cancer natna avang in a lo boral san. A fate enkawl chu a ko ah a tla. A fa pahnih te tan chuan nu leh pa a ni kawp a, an tan hrehawm leh hah pawh sawi lovin nitin Bottle khawm in a hralh a, chutiang chuan sum a lo thawkchhuak thin.

A fanu hi 2007 a piang kha a ni a, kum 11 a upa chauh a ni. November thla khan a fanu chu a pum a lian ta hle a, amah a khuasik deuh bawk si chu a thenawm te thurawn angin damdawi in lam ah a hruai a, Clinic a an han in entir nak chuan a fanu kum 11 leka upa chuan chawlhkar 29 a upa nau a lo pai reng tih a hrechhuak.

A fanu pum lo len tak chhan a han hriatchhuah chuan a thawng kher mai. A fanu hnen ah chuan a fa pai mek pa a han zawt a, a fanu chuan an inbula mipa chuan a pawngsual tih a sawi a, tum 4 zet a lo pawngsual tih a sawi. A sual a ni tih midang a hrilh nih chuan a nunna lakah thah ah a lo vau a ni.

He hmeichhe naupang hian amah pawngsual tu pa hian a vau nasat em avang chuan tumah hrilh ngam lovin a ka chu chip in a zep tlat thu a sawi a, a nu ngei pawh chu a hrilh ngam lo tih a sawi vek. Depression te a neih phah hial a ti. Police te chuan Case hi an bawhzui nghal. He chanchin atang hian kan fanu, kan tunu te kan enkawl dan ah a hma aia nasa zawka kan fimkhur a ngai hle a ni tih i hre nawn thar leh teh ang.

LEAVE A REPLY

Please enter your comment!
Please enter your name here