A Fanu Tihdan Zet Chuan Sawisel A Hlawh Hle

0
1735

A fanu hi a khawngaihthlak a sin, eng thil pawi nge a tih a tiang khawpa a pa hian hrehawm tawrh tira a siam tak mai le.

Cleveland, Texas a Walmart Store a thil thleng a ni a, pa leh fanu te chu bazar in thil eng emaw an lei. Mahsela a pa hian a fanu hi Shopping Cart a nawr ah chuan a fanu sam hi tibet in, Cart nawr pah in a fanu chu a sam ah a lo phih sak nasa hle.

Hetia a pa thil tih hi dawr chhunga awm ve dang te pawh in an hmu. Mak an tih em avangin a khawsak dan hi an Phone hmang in an lo laksak a, Internet lama a darh hnuin sawi a hlawh zui hle. A fanu hian thil lo tisual pawh nise a chunga a khawsak dan hi thil tha a ni lo a, Discipline a pek dan hi tih loh tawp tur a ni an ti.

Mita lo hmu a thil thlen dan a Phone hmanga lo la tu Erica Burch tih hmingpu chuan a hmuhdan hetiang hian a sawi a. “Robert nen Walmart ah hian kan naute School mi Lunch tur thil leiin kan kal a, Robert chuan ‘hmeichhe naupang chunga saw pa chet dan saw han en teh’ tiin min hrilh a, ka han leh hawi phei chuan hmeichhe naupang sama a pawt lai chu ka hmu. Ngaihdam a dil mawlh mawlh a, ‘khawngaihin duh tawk rawh. Ka ti leh tawh ngailo ang tih ka tiam e. Min thlah hram rawh’ tiin he hmeichhe naupang hian tap chungin a sawi” a ti. Tichuan a Phone chu phawrh in thla a lo laksak thu sawi. Facebook ah a phochhuak a, en pawh a hlawh hle. He pa hian a thil tih hi a fanu a zilhna ni ngeiin a lang. Mahse a tih dan hi a em em deuh mah mah a ni.

ER

LEAVE A REPLY

Please enter your comment!
Please enter your name here