A farnu dik tak chu a zu ruih changin țum 4 pawng sual

0
1661

Kan khawvel hi eng kan ti zo ta nge maw ni le? Pain a fanu, uin a nau, puin a tunu a pawng sual thu hriat tur a awm tak reng le? Mahni thisen zawmpui ngat chunga hetiang thil an ti thei hi thil rapthlak tak zawng a ni.

Myanmar ram Ma U Pin khuaa Ma San San Maw (kum 19) chu a pianpui a u dik tak Ye Win Naing chuan a zu ruih changin chemin a vau a, tih luihnain țum li thlawt a lo pawng sual a nih chu.

Mi ngawichawi tak San San Maw hian a sawi chhuak ngam lo va, thla nga a vei takah chuan a pumah a lo lang ta si a ni. Tichuan, a u chuan a nuhrawn chu cheng 70000 pein tih tlak an lo tum a ni awm e.

Nau a hram tawh avangin an hlawhtling lo niin ka thu lakna hian a ziak a, San San Maw leh a naupai chu dinhmun țha lo takah an ding a ni awm e. A pain a hriat chuan a thinur hle a, a fapa hi police a mantir niin a ziak.

An chanchin hi facebook ațangin Myanmar actress hlui Khine Hnin Way-i din group beng a thleng thuai a. Anni’n a țul ang ang buaipui turin mawh an la ta a ni.

Hmeichhiate hian zalenna kan nei ve asin. Chakna thahrui leh thuneihna hmanga tihluih tur kan ni bik lo. Hmeichhe duh lo chung tih luih ching hi mipa-ah ka ngai thei lo. Mipa chu sawi loh, rannung pawh an tluk lo zawk.

LEAVE A REPLY

Please enter your comment!
Please enter your name here