A HRINGTU IN A FA DUH LOVA BAWLHHLAWH AWMNA A A HLAMCHHIAH TAK CHU

0
898

Ka khawngaih tih bak chu sawi mai tur pawh ka hre lo. A hringtu hian eng rilru pu in nge a fa hi hnawmhnawk ah a kalsan mai theih le, han khawngaihna leh lainatna reng a nei lo ta em ni. A hringchhuak a, mahsela enkawl leh duh si lovin bawlhhlawh leh hnawm hnawk maia ngaiin a kalsan mai chu a nia.

He thil thlenna hmun hi chiang taka sawi mai theih a ni lo va, amaherawh chu West Africa a thil thleng nia rin a nih thu an sawi. Mipa chuan Hospital bula hnawmhnawk leh bawlhhlawh a naute hnuchhiah tak chu a chhar leh ta.

An sawidan in naute hi Plastic Bag ah dah in, bawlhhlawh leh hnawmhnawk dahkhawmna ah hian kalsan a ni. A hmuh tirh chuan a tuamna Plastic Bag hi a che deuh hrut hrut a, mahsela a chhunga naute hian tap thawm pawh a chhuah miah lo. Chutia a han che hrut chu an han hawn nak chuan nausen a lo ni reng mai a ni.

Nausen chhar tak hi rang taka Medical Treatment pek nghal a ni a, a nunna chu chhanhim sak in a awm. A chi leh kuang a nu leh pa te erawh hriat a la nilo. Social Media lama tarchhuah ah a chhartu hian Pidgin French tawng a hman vangin West Africa a he thil hi thleng a nih an ring.

Hetianga nausen hlamchhiah hi a hluar hle a, kar tam pawh la liam lo khan China ah chhar niin May thla liamta khan Thailan ram ah chuan hnawmhnawk dahna ah vek nausen chhar a lo ni tawh bawk

LEAVE A REPLY

Please enter your comment!
Please enter your name here