A Hringtu Ten Duhlo A An Kalsan Tak Naute Chu Fanghmir Ten A Taksa An Bawm Nasa Hle, Mahse Vanneihthlak Takin A Chungah Thil Thleng

0
3155

Mahni fa pawh enkawl duh lo khawpa nu leh pa suak sual hi chu an phu tawk hremna na thei ang ber pek hi an va han phu hliah hliah tak em. He naute chanchin zet chuan rilru leh thinlung a khawih ngei mai.

Naute eng pawi mah sawilo a nu leh pa tena an kalsan tak chu chhar a ni leh a, a nu leh pa te hian thi turin khawngaihna leh lainatna reng tel lovin bawlhhlawh tawp hnawk ang leka ngaiin an lo paih hmiah mai.

Central India a thleng a ni a, Bhopal a Authorities te chuan he naute hi tu emaw in bawlhhlawh paih/dahna Bin atanga a tap thawm a hriat in a han en chu naute khawngaihthlak tak leh lainatawm tak hi hmu in a lo chhar tih an sawi.

Polybag sen chhung ah dah in a pawn lama tuam leh a ni a, naute hi chhar a nih hian a taksa leh a lu te chu Fanghmir te chuan an lo bawm nasa hle hman tawh a, fanghmir te hian chaw atan an hmang lo chauh a ni ber tawh. Fanghmir sehna vang hian hliam te pawh a tuar a, a taksa hmun hrang hrang ah thi a chhuak tel bawk. A nunna em erawh a chan hman lo hlauh a, a dinhmun erawh ngaihtuahawm a nih thu an sawi.

Naute hmu a lo chhar tu Local Businessperson, Dheeraj Rathore chuan Bin a pelh chuan eng emaw thawm a hria a, a han ngaihthlak chian nak chuan naute a ni. Polybag sena a lu lang chuan a thawng hle tih a sawi. A taksa leh a lu ah chuan fanghmir ten an bawhkhat a, Police te thlen hma chuan amah leh midang te chuan a taksa fanghmir te chu thian in an lo tifai.

A rih lam hi 3.5 pounds leka rit a ni a, a taksa a thi chhuak vang hian a nu leh pa te hian an hlamchhiah hma in kut an thlak a nih rinna a awm bawk. Police te chuan naute nu leh pa te hi zawnchhuah a hremna na tak pek ngei an tum.

ER

LEAVE A REPLY

Please enter your comment!
Please enter your name here