A Mimal Ngaihdan Leh Rinthu Vangin A Fa Pum A Zai Sak Ve Ringawt A

0
578

Thiam lo pui a thil tih ve thawt thawt ringawt thin hi thil tha ber a ni lo reng. A fa awmdan a a rinthu a thil a lo tih ve ringawt vang chuan pawi lian tham a thleng teuh hle.

He pa mawl mang tak hian a fa kum pawh la tling lo, nausen mai chauh la ni chu eng emaw tia a pum a puar vangin a ngaih a tha lo. Mi thiam te rawn hmasak ai in a ngaihdan ah chuan rinna a nghat lian zawk a. A fa pum puar ta chu a chhung ah hian boruak (Gas) a awm a niang tia a ngaih tlat vangin a zai ve ringawt.

A lo ngaihdan chuan a pum a han zai kuak chuan a chhung a boruak awm te chu a chhuak ang a, a puar chu a nep phah a beisei. Mahsela a lo ni teuh silo. Boruak chhuak tur ai ah chuan a ril (intestine) zawk chu a pawrh chhuak tur zawk a ni.

Naute pum a zai vanga ril a rawn lawrchhuah tak ah chuan a ngaihdan ringawt a thil lo tih thawt thawt chu a tha ber lo tiin a inngaihtuahchhuak ve ta a rang takin Doctor hmu turin a fa chu a kalpui nghal.

Doctor in a han bawihsawm chuan naute hi a kawchhung lam a ril chu 40 atanga 50 CM dawn a chhuak hman. Dum rawng in a inthlak nghal vek. Surgery te neih a nih hnu ah erawh nunna a chan lo.

Surgery lama ho tu chuan naute pa hi a hau. Mahni thiam intih vanga lo khawih ve vak vak hian a tih khawloh phah thin zawk a ti. He naute in a tawrh hi umbilical hernia a ni a, hei hi naute chunga thleng uar tak a ni. Thil hlauhawm lutuk a nilo a naute chu a len hnu ah a rawn pangngai chho leh dawn niin a sawi. Nu leh pa te tan thil tih tur tha ber chu fate chunga vanduaina eng emaw a thlen palh in mahni ngaihdan a thil ti hmasa lo in Doctor rawn hmasak vat thin tur a ti.

WOB

LEAVE A REPLY

Please enter your comment!
Please enter your name here