A NU IN A KALSAN HLAWM A VANGIN A PA ZENG CHU HMEICHHE NAUPANG KUM 6 MIIN AWMPUIIN DUAT TAKIN A ENKAWL

0
1096

China rama khawsa hmeichhe naupang Jia Jia an tih kum 6 mi chuan motor accident a vanga zengta apa chu awmpuiin a en kawl thin. A pa hi kum 2 kalta khan, motor accident a tawka chutatang chuan a nupui hian tuamhlawm peih lovin a kalsan nghal hlawm a. Naupangte ka ni ti mai lo in chu naupang chuan apa khumbeta mu chu a enkawl ta ni.


Hemi te pafa hi China rama Ningxia bial a awm an nia Jia Jia hi zing dar 6am ah a tho a khumbeta mu apa chu a thahrui te darkar khat leh chan ve chung a hmehsak massage thin ani. A pa chu a hmai phih leh a ha te a nawh zawh hnu ah School a kal thin a. School a tang a lo haw veleh apa chu chawte a pek leh te tea chumi hnu ah inchhungah chuan a tei kual pui thin.

School a kal kar hian apa chu a pi leh pu ten an lo enkawl sak thin. Jia Jia hian “ka pa enkawl hi ka hah ngailo” ani tiin Yangtzi Evening News hnen ah chuan a sawi. Yangtzi News in an ziah dan chuan Jia Jia pa Tian Haicheng kum 40 hi 2016 ah khan motor accident na tak alo tawk ani tiin an tar lang. Motor accident a tawn tang thlahnih leh chanve hnuah chuan kum 7 chhung alo chenpui tawh a nupui chuan a fapa upa ber hruai in a kalsan hlawm a ni.

Mr Tian chuan ka nupuiin min kalsan dawn hian ka nu hnen ah reilo te ka zin lawk ang tiin min hrilh. Kan fapa a kalpui a an lo kir tawh lo ani” tiin Chanchin bu mite hnenah a hrilh. Ka nupi nen hian kan in then lo naa zawn chu ka tum ve tawhlo ani tiin Chanchin bu mite chu a hrilh. Ka fanu tan a harsa tak chu in chhunga min tei kualpui hi a ni a ti bawk. Apa hi wheel chair chunga thu a nia a fanu te hian a tluk loh nan a control sak thin a ni.


Jia Jia hian apa hi a hmuihmul thleng in a ziahsak thin a anu chanchin an zawh hian “ka pa enkawl duh lovin ka nu hian min kalsan a ka ngailo. Ka unau pa chu ka ngai lutuk. Kan in pawh em em thina chuvangin ka unau pa chu ka ngai lutuk a ti” a ti. Mr tian nu leh pa hian lo an neia chumi te hmang chuan an in enkawl a a damdawi man ah te chuan an hmang thin. Midang pawhin an puih theih nan bank account pawh an siam bawk. Mi tamtak in he hmeichhe naupang Jia Jia chu an fak hle a angel te reuh te tiin an ko hial ani.

Ref: daily mail

LEAVE A REPLY

Please enter your comment!
Please enter your name here