A Nu Kum 92 Mi Chu Hremin Vawkin-ah Awm Tir

0
1499

China rama pitar kum 92 chu a hrin a fapa leh a mo in chaw puar khawp an pek duh loh bakah an in chhungah pawh awm ve an phalsak lova an in kianga an vawkin ah an awm tir a ni. Vawk ang maiin chaw an pea a zun ek pawh chutah chuan a thiar nghal a ni. He pitar lainatawm tak hi “Yan a ni’a a pasalin a thihsan tawh. A fapa te nupa nen chuan an awm ho a ni.

Tawk fangah china mipui ho chuan an hmua an thil tih dan chu Weibo tih Website pakhatah an post. Police in an lo hmu nghala Pi Yan hi an va zawng chhuak. Police an va thlen hian an in chhungah an lo dah hmana mahse police chuan an nupa in an man tho. A fapa chuan police hnenah ka nu hi kan hmangaih lo ngai lo. Vawkin ah pawh kan dah lo. A thluak a buai deuh tawha a mahtein vawkin ah a awm țhin a ti.

Pi Yan thlalak social media a phochhuaktu pa chuan ka mit ngeiin ka hmu. Chaw pawh an pe tha duh lo. Ran ang maiin an en. An duh duh hunah an vaw bawk tiin police hnenah a sawi ve. Police chuan khawngaihna nei lo Pi Yan fapa leh a nupui hi lungin ah an dah tawha an chungthu rel mek a ni. Kum engzat nge an tan dawn tih erawh hriat ala nilo.

Pi Yan hi police tanpuina in tar enkawlna ah an dah tawha chaw puar khawpin a ei thei tawh anga rilru nuam takin hun a hmang thei tawh bawk ang. A mah Pi Yan pawhin police te hnenah lawmthu a sawi.

Ref: HL

LEAVE A REPLY

Please enter your comment!
Please enter your name here