A Nu Leh Pa Tena Sum A An Hralh Mipa Naupang Chu Amah Hmangaihtu A Pu Nen Inhmu Leh

0
1127

China a Fujian Province a awm mipa naupang kum 3 mi chu a nu leh a pa te ngeiin hralh sum atan hmangin mikhual tu tih pawh hriat loh hnen ah sum an duh luat avang in an hralh.

A nu leh pa te hian hmangaihna an nei lo hrim hrim ti ila a dik zawk ang. Thla 8 a nih atang a pi leh pu te hian enkawl in hmangaih tak in an tuamhlawm a ni.

Amaherawh chu he mipa naupang hi a hringtu te hian a pi leh pu te hriat loh in sum nen an thleng a. 120,000 yuan ($17,816) a hralh in an nupa hian 60,000 yuan ($8,895) ve ve in an fapa hralhna sum hi an insem.

Fa an hralh thu hriat a nih hnu hian Officer ten an hralhna te chu zawn chhuah leh an tum. Vanneihthlak takin DNA Test hmang te in he mipa naupang hi zawn hmuh leh a ni a, hmangaih em em tu a pu nen hian an inhmu leh thei ta a ni.

A hringtu te lak ah hian thubuai siam sak a ni a, an fapa ngei an hralh vang hian an chungthu a rit hle ang. China ram ah hian mikhual hriat loh te hnena mahni fa ngei sum a chantir hi sawi tur tam tak an awm tawh thin.

NS

LEAVE A REPLY

Please enter your comment!
Please enter your name here