A NUPUI IN A PASAL SAZU A TAN SAK

0
1023

Lerh lutuk vang hian thil pawi zawk a thleng awlsam thin reng a nia. A pasal in hmeichhe dang a lo melh rek rek vangin nupui thinrim a insum zo ta ngang lo.

Thailand rama Sriracha ah chuan nupui pakhat Karuna Sanusan, 24 chuan a pasal in hmeichhe dang laka a mit ko a lo san keuh keuh a midang a kawpsan vangin a thinrim chuan phuba a la a, a pasal serh (sazu) chu a tan chhum sak.

Vanduaina tawk ta a pasal hi a hming Siripan niin kum 40 mi a ni. Zinga a nupui Sanusan tho chuan chemte 12ins zeta seiin a bei a, a sazu hi a tan chhum sak. A pasal sazu a tan chhum chu tukverh ah paihchhuak in a kalsan. A pasal na tuar rumri hi an thenawm a mi te chuan an hria a, Police an ko ta nghal vat.

Police te hi 6:20am ah thlengin, an va thlen chuan Siripan thisen hi a chhuak nasa hle a, chhutah te chuan thisen tam tak a baw nuai. Damdawi in hnai ber Samitivej Sriracha Hospital pan pui nghal a ni. A sazu bung chu Ice Box ah dah a ni a, Surgeon ten zawm an tum leh ngial pawhin zawm theih a ni tawh lo.

A nupui Karuna Sanusan hi man nghal a ni a, Police ten zawhna an zawh chuan a pasal hian hmeichhe hrang hrang a hmu thin tih sawiin hetiang hian phuba a la tih a sawi. “ka pasal nen hian thlai kan hralh thin a, hmeichhe hrang hrang te chu a chhaih nasa thin. Ka ringhlel a, ka rinhlelh na chu a dik reng bawk. Hmeichhe dang a chhuah pui thin a, ka thinrim em avangin ka insum zo ta ngang lo a ni” tiin a sawi.

A pasal Siripan hi a sazu bunna a rei deuh tawh vang khan zawm lawk a nih tak loh vangin a sazu hi a thi a, damchhungin a sazu a hman theih tawh loh hmel thu an sawi. A nupui lakah hian Legal Action lak a ni dawn a, a pasal hi hmu tawh lo tura tih a ni bawk.

Ref : DailyMail

LEAVE A REPLY

Please enter your comment!
Please enter your name here