A NUPUI THAT A ARUANG A THUP BOTU CHU

0
1104

He thil zet chuan mi a va thawng ve mawle. Mahni nupui te ngei han tihhlum chu thil rapthlak a va ni em. Eng rilru pu tak in nge hetiang hian che chhuak ni maw.

Nupa tuak te chu thil eng emaw vanga inhnialin an in ti thiam lo a, an inkara inhmuh thiam lohna a thlen avang chuan pasal chuan insum zo lovin a nupui ngei, hmangaih leh duh taka nupui atan a neih tak chu a rek hlum ringawt.

China Daily tarlan dan in tual thattu pasal hi a hming Zhu Xiaodong, 31 a ni. A nupui Yang Liping chu an chenna in Shanghai ah a that a, a nupui ruang chu dah bovin Freezer chhung ah chuan a thuk ru. Zhu hian a nupui ruang hi Freezer ah hian ni 105 (3 Month) a rei teh meuh mai a dah a ni.

A nupui a thah hnu hian a nupui thian te leh a chhungte lak ah chuan a nupui angin lem a chang zui. Social Network lama a nupui Account atang chuan a thian te chu a nupui angin Message a chhan let sak thin. Chu chauh chu nilovin a nupui sum leh pai chu a chen a, zinkual in hmeichhe dangte nen hun an hmang bawk.

A nupui a thah thu hi amah leh amah a inpuang a, amah a inpek hma hian intihhlum a tum thu South China Morning Post chuan a tarlang. He thil thleng rapthlak tak hian China a mipuite a thawng hle. A nupui that a, a ruang dah bo tu Zhu Xiaodong hi Shanghai No. 2 Intermediate People’s Court chuan thi turin a chungthu a rel.

F: Worldofbuzz

LEAVE A REPLY

Please enter your comment!
Please enter your name here