A nupui țhen duh vangin thi der

0
1610

Nute u, i pasal tlin tawk leh theih tawkah lungawi tum la, thei tawp chhuaha a thawh chhuahah khan lungawi tum ang che. I duham luat vang khan i pasalin i bula awm hreawm a ti thei a, i pasal kha a rukin lung in i tantir reng thei a ni tih hria la, a theih tawkah khan lawm tawk em em ang che.

Hondurus ram mi, Danny Gonzalez chuan a nupui a țhen theih nan post mortem-na room-ah a thi lai thlalak a siam chawp. He pa hi, America ramah hna thawka awm a ni a, a nupuiin chatlak lova pawisa thawn tura a tih avangin a nupui chu țhen mai a duh ta a, a țhen theih nan heti anga ti a nih thu a sawi.

A nupuiin pawisa a dil tak reng si-ah chuan hreawm a ti em em a, a thian pakhat țanpuina dilin, a ruang thlalak chu a nupui a thawntir a, cancer leh athsma vanga boral ta angin a sawitir a ni. Danny thih thu chuan a nupui hnen ațangin a chhungte beng a thleng ta a, an tuarin hreawm an ti hle.

Danny-a ruang thlalak chu a farnu chuan an en chiang a, a natna leh thlalaka a hmel chu inmil lo riauva hriatna a nei tlat mai a. Danny chu a thih tak tak a ring lo. Eng tin emaw a ruka biak theih dan a ngaihtuah a, a be thei ta reng bawk a ni.

Ti chuan, Danny chuan a thil tih chhan chu a sawi ta vek a. Chu thu chu a nupuiin a hriat ve tak chinah chuan, a tidik lo a ni tih inhrethiamin, a sim phah ta hlauh a ni. Tunah chuan, a thawh chhuah ang ang bak a thawn a ngaih tawh loh thu Danny hian hlim hmel pu takin a sawi. 😁😁😁

I pasal tlin tawk leh theih tawkah lungawi tum la, duham suh la, hausak tum la, hausa nih tum ngai suh. 👍👍👍

LEAVE A REPLY

Please enter your comment!
Please enter your name here