Aman Suria Ah Nu Pa Hna Nih Kut Lawng Bak In Mi Fir Hriam Nam Ai Ken Mi Pa Cu An Doh (Video)

0
561

Ho hmanh nih leh rul cham kan duh lo nain, a caan nih a chit tuk cun kan duh zawng duh lo zawng ah kan tuah theu tawn. Hi hna nu pa zawng hi an thil tawn nih a chit tuk caah mifir pa cu hriamnam he um ko hmanh se law an nunnak thap bak in an doh i an velhnak a si.

Mifir pa cu Honda City dawr chung ah a thli in ai thup i, mah lio hin dawr ngei tu pa cu a motor pawng ah a um lio te a si.

Assistant Commissioner Modh Zani Che zin chim ning cun, “Mifir pa nih cun Bangladeshi Cashier nu cu luh hnawh i a phaisa chuh ai tim hmasa.

Cu lio cun dawr ngei tu pa nupi nu cu motor chung a a um i, dawr ngeitu pa cu dawr chung a luh tik ah mifir pa nih cun thir fung in avun thuat i, an nu nih cun zawk tiah motor chung in a chuak i a va bawmh ve. Cu tik ah mifir pa nih cun dawr ngei tu pa motor tawh cu a lak i, tlik ai timh tik ah an nupa cun a dawi i, an thua ko.


An i thuat lio hi CCTV nih a rak thlak manh hna i, tha te in zoh khawh a si. Hi Video hi Social media ah langh a si tik ah a hmu tu hna vial te nih hi hna nupa hi an thang that tuk hna.

Dawr ngeitu pa hi a awrh lei kut ah le a hmai ah hliam a pu i, an nu bel te ai hliam lem lo. A rannak in University Malaya Madical Centre ah an tlik pi i, a hliam an thlawp bul. Bangladeshi Cashier nu zawng hi hliam tlawmpal a ngei ve i an zohkhenh chih.
VIDEO:

Nang zei dah hi hna nupa kawng hi na ruah ning? Hi bantuk mifir he hin i tawng law na doh ve hna hnga maw?

Mirror.co.uk

LEAVE A REPLY

Please enter your comment!
Please enter your name here