America UN Palai Ah Donald Trump Ih Fanu; Ivanka Trump

0
582

US president tohkham ih Pu Trump a to veten US ah thleng danglam awknak tampi a thleng zo ih a tlangpi thu cun, a thalam hlir a silai. Trump in raltlan pawl a ngaina lo ti thu ahcun Chin mipi tamzet in an duh lo zet ding nan, President tokham ih Trump a to hnu thilthleng kan zoh asile thatlam pan rero cu an si ih Trump khal in US mipi cu Bible thawn rori kaihruai sal a tum.

America thleng danglam awknak tamzet lak in UN palai Nikki Haley khal a hna ihsin a bang ve ih a aiawhtu ding minung hril hrih lo le nemhngeh hrih lo a si. Hi thu ah President Trump cun America UN palai hna lawng/awl hrang diltu an um lo asile a fanu Ivanka Trump in America hrang UN palai hna a tuan ding a si tiin a rel.

Asinan Trump ih tongkam ruangah a fanu Ivanka Trump khal a tongsuak ve hngal ih “Mithiam tamzet pawl thawn Inn rangpi ih hnaṭuan tlang ding cu porhawk tlakle uanpi tlakzet a si. Nan, Nikki Haley aiawhtu ding cu president in a hril dingih, President hril dingmi khal kei ka si lo a si,” tiin Twitter thawn mipi a simfiang ve.

Trump hi 2016 ah US president a si ih President a tuan hnu ah sungkhat duhsak zetin Inn rangpi ah hnatuan a pe hnuaihni. A fanu Ivanka Trump ih pasal khal Inn rangpi ah hlawh nei loin thuron petu hna a tuan ih mipi hrekkhat cun mai sungkhat duhsak tuk tiin an rak soisel ve a si.

US Today

LEAVE A REPLY

Please enter your comment!
Please enter your name here