An Farnu An Pawngsual Hnuah An Thah Ih A Hngawng An Tan

0
400

Kum 12 nauhak nute cu a u le pawlin an pawngsual hnuah an that bet ruangah nauhak nute ih u pahnih cu an kaih zo thu India palik in March 20 ah tlangthannak an nei.

Hi thuhla thawn pehparin nauhak nute ih pu khal an kaih. Kan dung thla ahkhan India ram Matdraparashit ramkulh ah nauhak nute ih ruak cu an sar ih nauhak nute ih an upabik khal kai dingin an hawl rero lai thu theih a si.

Hiti ih an tuahnak san cu an dokalhmi innsang pakhat cu mawhphurhter thluh tum asina’n an thusimmi a dan-awk thluh ruangah palik pawlin an hmusuak ngah ih an upabik a tlanhlo thu khal an mangsuak sal.

“Hi thilthleng hi a rapthlak zetmi pakhat a si” tiah an upabik tlanhlonak thuhla thawn pehparin pengpi palik bawi in simnak a nei. Nauhak nute pawngsual thuhla ah a u le pathum an tel thu, an farnu cun palik hnen sim dingih a hrinhro ruangah a hngawng in an rek that ih a lu an tan hnuah a ruangpum cu hnawm khawlnak bawm sungah an hlon thu palik bawi in a sim.

A ruak zohdiknak an neih tikah nauhak nute cu a bur ih pawngsualmi a si tiah an nemhnget ih an pawngsual dan khal pawngsual menmen siloin danglam zetih pawngsual a si tiah an hmuh thu palik bawi cun simnak a nei.

“Ka hnațuan sung hmuahhmuah ah hi bangtuk phun thubuai hi ka tong dah lo, hi thubuai ih kaihtarmi pawl hrangah thuțhentu pawl khalin an thuhla an tawlrel sak lo ding thu thuțhentu pawlin an sim” tiah palik bawi cun a sim bet.

India acozah in a tlangthan tharsal mi vek asile 2016 ahhin pawngsual thubuai hi vei 36000 lenglo a um ih kum kim lo pawngsual tam bik kum a si. 2014 kum ah nauhak covo buaipitu UN lam ih tlangthan dan ah India ram ih pawngsual tongtu mi pathum ah pakhat cu kum kim lo an si a ti thu theih a si. Ref : CNA, AKT

 

LEAVE A REPLY

Please enter your comment!
Please enter your name here