An Tlawngah Mithla Thawn An Kawmaw Tiah Theih A Si (+ Video)

0
525

Sept 21, 2018

Thil hi awium lo lutuk vekih kan ruat mi tampi hi cu kanmah ngei in kan rak ttawn veloh ruang hin a rak sideuh theu. Tuittumih mi hi a zohngahtu cu 4.3 million an kim zo. Cupawl lakah a si thei lo titu an um tuk lo. Hon zoh ve awla ziang tin na ruat ve ding, mithla thawn an kawmaw ngai ngai pei maw? >>>>> video <<<<<

Thailand ramih tlawng inn pakhatah nauhak nute pakhat cun mitih hmuh thei lo mi rualpi an rak kawm tiin amah hringtu a nu ngei in a fanu umdan cu social media lamah a hon lan ter a si. A duh mi cu bawm thei a si pei maw? Mithla hi tivekih kawmawk thei tak tak an singai pei maw? Thil tha lo a thleng zel pei maw? Tih theih duh ruang a si.

Tlawng an ra bang, a nu cun a fanute a hon hmu cu rualpi tha zet thawn an rak kawmaw. Sinan a nu cun a fanuteih rualpi kawm mi cu a hmu ngah lo. A nu in a hun biak vak vak khal le ziangah a siar tuk lo. Cutin tlawng inn an suak zik thlang tiah cun nauhakte cun a hun bye bye ta. Cutikah a nu cun a fanu ih umtu zia cu a theifiang thlang. Ka fanute hin midang rualpi a rak kawm ruangah keicu ziangah insiar lo, a ti.

A nu ih sim danah cun, september 17 zanlamah ka fanute cu tlawng an ban hnu khalah a ra tlung ve lo. Curuangah ka mangbang cu an tlawngah ka vung fehih ka fanute cu amahlawngin a rak um. Sinan rualpi thazet nei vek khin nuam takin thu an ruah aw ciam mam. Keikhal ziangah insiar tuk lo, sinan tlungin ka hun ti cu inel lem lo. Cule veten a rualpi (ka hmuh ve thei lo mi cu) cu a hun bye bye ta, a ti. Ziangah nangmah lawng cun reipi tiang hinah na um tiih ka hun sut tikah ka nu keimah lawng ka silo pi ka hawipi nu thawn kan sihsi a ti.

Source: PPL

LEAVE A REPLY

Please enter your comment!
Please enter your name here