Badman Lemcangtu Thar A Tuan Leh Meithei Tiih Zummi Robert Pattinson

0
310

Leitlun ih hminthang DC Universe zuknung tuahnak in ”BadMan” zuknung thar an suah dingmi ah lemcangtu ding an hril rero lai asi. Hivek in lemcangtu thar an hawl salnak cu a hlan ih BadMan cangtupa Ben Affleck hi kum(46) a si zo ih,tui’ BadMan zuknung thar an zaih dingmi cu Bruce Wanye nauhak lai thuhla zaih ding an si ruangah Ben Afflleck hi movie thar an zaih dingmi thawn a milawk nawnlo ruangah lemcangtu ding thar hawl in DC cun a tawlrel sal nak a si.

Dc Universe in Badman cangtu dingih an hrilmi lemcangthiam pawl tla cu Robert Pattinson,Nicoholas Hoult,Armie Hammer le Aaron Taylor-Johnson pawl tla an si.Hi’h lemcangthiam mipa pali sungah Director Matt Reeves cun Robert Pattinson le Nicholas Hoult hi Badman cangtu dingah a lungkim zet thu a sim a si.

Mitampi in Nicoholas le Robert zo deuh in Bad man cangtu an si dingti theih an cak zet.
Director pa in Badman cangtu dingah Robert hi a lungkim deuh thu a rel zo nan,mipi pawl cun Bruce Wayne nauhak lai thuhla zaih ding a si ruangah Nicoholas hin hi’h zungnung ih lemcangtu dingah a mil sawn ding tiin an buai celcel.
Tutiang ah cu Robert hi Badman cangtupa țuan dingih hrilmi Pakhatnak ah a ding lai ih, Nicoholas hi hrilmi pahnihnak dinhmun ah a ding lai a si.

Badman zuknung cu Kum 2021,June,25 ah suah thei an tum ih,zungnung zaihnak cu kum 2019 kum cem zik hrawngin an thok ding a si. Nangteh Badman cangtupa țuan ding ah Nicholas maw Robert in țuan seh la na duh? Reff: Popolay

 

LEAVE A REPLY

Please enter your comment!
Please enter your name here