Bawhlung Sit Thiam Leonal Messi Cu Nasa Zet In A Siatsuah Aw

0
196

Leitlun huap bawhlung sit thiam larzet pakhat Barcelona hmaitlan Leo Messi cu Barcelona in laliga puai ih Sevilla an do tumah  a siatsuah aw ih lek peh thei nawn lo in a cawl. Messi cu minute 16 nak ah a siatsuah aw ih a baan ruh a khing thu theih a si hnu ah Sibawi pa cun kar 3 tal bawhlung sit lo ih a colh tul ding thu a simthei.

Leo Messi hi Barcelona captain a si tllunah Barcelona rinsan zetmi a si ih ,tui tum buai  khalah Barcelona hrang goal 1 a thun man thotho. Cui tlunah a rualpi Coutinho ih sit goal mi khal a tuahsak cih.

Hivek ih Messi a siatsuah awk cu Barcelona tantu le Messi tantu pawl in pawi an tizet ih kar 3 sung rori a lek lai an hmu nawn lo ding cu a si. Culawng siloin Messi a siatsuah awk cu Barcelona hrang a pawizet ih Champions league ah Inter Milan le Laliga ih Real Madrid thawn an do awk ding caan ah Messi an hmang thei lo ding.

Barcelona le Real Madrid doawknak hi a picang tuk ruangah El Clasico ti ih hminpek a si ih ,cumi hrang Messi a tel lo ding cu Real Madrid mipi lala khal in an uizet ti a si. C.Ronaldo in Real Madrid a rak suahsan zo ih tuah Messi a dam lo thawn tui kum El Clasico ah C.Ronaldo le Messi hmel kan hmu lo ding a si.

LEAVE A REPLY

Please enter your comment!
Please enter your name here