Bawng Chu A Pasal Thi Tawh Piangnawn Leh Ah Ngaiin Pasal Atan

0
1625

Puithuna atthlak ring pawl hi an awm ve leh tlat thin a, thil awihawm loh leh thil ni thei lo anga han sawi sak chi lah an ni bik bawk si lo. Mahsela ka ngaihdan ah chuan tiang thil hi chu thil thleng thei niin ka ring lem lo.

Tuna kan sawi tur pawh hi ilo hre tawh pawh a ni mai thei a, mahsela hrelo tam tak te tan a mak ve reng reng a i han thailang teh ang.

Cambodian rama thingtlang khaw pakhata pitar pakhat kum 74 a upa Khim Hang tih hmingpu chuan bâwng tuai tak mai chu a pasal boral ta rawn piangnawn leh ni a ngaiin pasal atan a inchhungah lalut in a chenpui.

“He bâwng tuai hi ka pasal boral ta kha a ni tih ka ring nghet bur a ni. A chhan chu ka pasal in a damlaia a lo tihdan thin ang in he bawng hian a lo ti ve thin” tiin a sawi.

He bawng a pasal nia a ngaih hi nikum March thla a piang chauh kha a ni. A in ah chuan lalut in a chenpui a, khum ah te a mut tir ve bawk.

Hetia bâwng a pasal thi ta rawn piangnawn leh nia ngai a a in hial a a chenpui hnu hian he bawng hi Cambodia ah chuan boruak a nei lian hle a, Celeb ang hial a ni. Bawng hmu tur hian Khim Hang in ah hian nitin mi 100 chu lenglut ziah thin ang in an sawi.

Cambodia ram hi 95% hi Buddhist an ni a,  Buddhist an tam vang hian hetiang puithuna, mihring boral tawh pian nawn lehna hi an ring nghet em em a, hei vang hian an buaipuiin an atchilh hle thin a ni. Khim Hang chuan pasal atana a lakluh a bawng chu a hnukchah thlenga tha taka enkawl turin a in tiam a, a lo boral a nih chuan a fate hnen ah tha taka enkawl zui turin a lo chah a ni.

Express

LEAVE A REPLY

Please enter your comment!
Please enter your name here