Beer in nasat vangin

0
2181

“Beer hi zu a ni lo,” tia sawi mawi chawpin i lo in ve țhin ringawt palh ang e. Alcohol a tel a, zu a nih lohna a awm lo a ni. Zu dang ang bawkin mihringah nghawng(effect) a nei ve tho tih hriat a țha awm e. In aiin in loh a him zawk tho tho a ni.

Bebaly Picora (kum 37) chu beer in nasat lutuk vangin naupangte ni siin a taksa a chhe vek a ni. Amah hi kum 20 vel a nih ațangin beer a in țan a, a heh chho tial tial a, ni khatah bur 40 thlengte a in țhin vangin a taksain a tuar hle a ni.

Pic-a kan hmuh ang hian, a vun a khawlo zo va, naupang tak siin pitar ang mai a ni zo ta. A hate a bal a, a țawng pawh a fiah lo zo va, hriat a harsa hle a ni. Rehab center-ah an enkawl a ni a, kum 35 a nihin Center ațang an la chhuak.

A pasal Antony Harwood chuan a nupui hi kephah tiat pawh kalsan lovin a enkawl a, a bulah a awm chilh reng a ni. Heti anga beer a in chhan chu a bialpa hmasa nen an ințhen vang a ni a, chu chu Antony hian hre sa-in a nei ta tho va. Dawhthei takin a enkawl zui ta a ni (Mipa nge nge, an ngilneiin an rinawm țhin 😁😁😁).

“Kei chu in dan ka thiam,” i ti vei pang pang em? A ngawlvei, a ei chhiat tawhte pawh hi a tirah chuan in dan thiam inti an ni ve tho. Thiam tak tak theih a lo ni meuh lo a niang. No khatin no khat dang a hring zel tih hria la, in chhin duh hauh suh ang che.

LEAVE A REPLY

Please enter your comment!
Please enter your name here