Bochuk Aung San Zuklem Kan Thawn lo ding

0
650

Kaya ramkulh Loikaw khawpi Myaing-he-vuan pangpar hmuan ih General Aung San dar zuk lem retmi cu hmundang ah țhawn loin ramkulh acozah in kan kilkhawi ding tiah Kaya ramkulh chief minister U El Phawng Sho in simnak a nei.

General Aung San ih dar zuk lem țhawn ding thuhla thawn pehparin Kaya ramkulh acozah le Kaya mino pawl cu May 14 ah tonkhawmnak nei in chief minister cun thuhmaihruai ah atu bangtukin a sim.

“Kaphnih reltlang ih țuantlang ding tikah remcan lonak a um ruangah ramkulh acozah dinhmun in zuk lem hi hmundang ah kan țhawn hrimhrim lo ding, ramkulh acozah dinhmun in general Aung San hminsinnak cu kilkhawi ding țuanvo a neih tikah atu a umnak pangpar hmuan ahhin kan kilkhawi sawn ding” tiah chief minister U El Phawng Sho in simnak a nei.

Chief Minister ih thutluknak tuahmi parah Kaya mino pawl cun thurel betnak nei loin tonkhawmnak hmun ihsin an suak thluh tiah theih a si.

“Kannih cu ahlan vek thotho in kan țuan sunzom ding, cumi parah țuanvo neitu hi zo an si timi cu mipi in an sim suak ding, hi țuanvo hi zo hnenah a um timi khal thusuhnak an tuah leh ding” tiah Kaya mino hotu pakhat in a sim.

Pangpar hmuan ih retmi General Aung San ih dar zuk lem cu hmundang ih țhawn dingah Union Day ahcun Kaya mipi thawngtel in duhphorhnak an neiih, cui duhphorhnak tuahtu mipi pawl cu palik pawlin Rabar cerek ih an rak kah ruangah minung 4 in hriamhma a ngah tiah theih a si. Ref : AKT

 

LEAVE A REPLY

Please enter your comment!
Please enter your name here