Boxing : Pacquiao Le Broner Thong Aw Thlang Ding

0
360

Boxing leitlun ih hmin neizet le Asia mithong thiam Pacquiao cun Boxing a colhsan fel hlanah minung mallai thong a duh thu a rel zo ih a thong hmaisa bik dingmi khal rel fel zo in US mithong thiam Broner  a si. Pacquiao cun  Broner thawn an thong awk ding thu vial a rel ih a ni thla a fel thei hrih lo thu mipi a rak sim rero dah. Asinan, tu cun ziangkim an tifel thei zo ih Pacquiao le Broner ih thong awk ding caan khal nemhnget fel a si.

Pacuquiao le Broner cu kum thar 2019, January thla ni 19 ah an thong aw dingih kannih lam cun January ni 20, Zarhpi zing a si ding. Tui tum an tong awk ding hi ngiarawknak men a si lo dingih WBA Welterweight champion taikhap cuh aw in an thong aw ciamco ding. An thongawknak ding hmun cu MGM Garden Arena, Las Vegas ah a si ding ih November ni 24 ihsin ticket zuar thok a si ding.

Pacquiao cun Boxing leitlun ah minung 69 a thong zo in mi 60 a neh thei ih mi 7 a neh lo, mi 2 sung le nehtu um loin a duhtawk pi ih minung 39 cu round kim hlanah a thonglet thei. Mi 21 cu hmat thawn a neh ih mi 7 a sun tumah vei 3 thonglet a si ve ih vei 4 cu hmat thawn a rak sung ve.

Broner cun Boxing leitlun ah mi 37 a thong zo ih mi 33 a neh thei. Mi 3 a neh lo ih mi 1 cu sung le cak um loin a sualpi. Mi 33 a nehmi pawl lakah 24 cu a thonglet mi pawl an si ih mi 9 pawl cu hmat thawn a nehmi pawl an si.

 

LEAVE A REPLY

Please enter your comment!
Please enter your name here