Cancer natna vanga thi mai tur anga insawiin online-ah mi tam tak bum

0
846

America ram, Town Ville khua-a cheng nula pakhat Lucy Willan (kum 27) chuan online ațangin chhul cancer stage 4 vei mek angin a insawi a, țanpuina kut dawhin mi tam tak a bum.

A sam a tan a, damdawi hmanrua leh damdawi ina a thlalak ilo vel a Instagram-ah a post. Heti ang hian caption a ziak bawk, ‘Rei tak dam tur ni tawh lo mah ila, in thilpekte avang hian dam phah sawt țhin angin ka inhria,’ tiin…

Lucy hian thla li bak a dam tawh dawn loh thu te, sawrkar chhawmdawlna ring ve mai mai a nih thu leh ûi a vulh a, enkawltu tur an neih tawh dawn loh thu te, sum engmah a neih loh thute pawh a sawi tel bawk.

A thil post chuan a tum ang chuan hna chu a thawk ve teh meuh mai. Mi ngilnei leh rilru dik pu miten khawngaihin an share-sak zel a. Mimal ațang țanpuina țhahnem tawk tak a dawng.

Online group pakhat Gofundme pawhin an lo hre hial a. He nu tan hian vehbur an khawnsak ta a ni. Thil dang eng eng emaw chu sawi loh, sum faiin $ 550000 chuang an khawn hmuhsak.

Mahse, Lucy-i tan pawh inven sên a ni reng bik lo. Pawna a chhuak an hmuh changin dam lo leh natna khirhkhan tak vei anga lan loh châng a nei ta zeuh zeuh a. Rinhlelh a kai țan ta der mai.

An awmna-a inspector Christ Lawson-a’n a va tlawh phah hial. Damdawi in lehkha pawimawh leh a damdawi leina voucher ilo hmuh tura a tih chuan hmuh tur a lo nei awkawng lo mai. An inman chhuak chiang ta. Court-in kum eng zat nge lung in atantir dawn tih hriat a la ni lo.

He thil ka post chhan chu, ‘Dik lo leh thianghlim lo taka sum lak luh ai chuan, dik taka nuna engmah neih loh hi rilru a hahdam zawk a, nun hi a hlu zawk a ni,’ tih hriat hi a ni.

LEAVE A REPLY

Please enter your comment!
Please enter your name here