Damdawi In A A Nupui A Hruai Chuan Doctor Chuan “I Nupui Nge I Fa Nunna I Chhan Dawn?” Tiin Alo Zawt

0
853

Doctor in a zawhna a zawh chu atan chuan chhanna pek a harsa hle a ni. Leh lam ah a hmangaih em em a nupui a ni a, leh lam ah a fa a ni bawk si. An pahnih a an nunna chhan chu thil theih loh a ni a, pakhat zawk zawk a thih ngei a ngai a ni.

Colorado, USA a cheng Keyvonne Connie hian a pasal nena an fa a pai tih an hriat hnu chuan an lawm in an hlim dun ve em em a, chhungkaw hlim tak din a nun nuam tak an hman tur thu te a an suangtuah ve neuh neuh laiin an hlimna erawh a famkim thei lo. Keyvonne Connie hian thisen chhuak a a hloh hnu ah a pasal hian Emergency Hospital ah a hruai a, Emergency Room a an nawr lut tur Doctor hnen atang zawhna chhan harsa tak chu a lo dawng.

“Surgery neiin i nupui nunna hi kan chhan hmasa thei a, mahsela i fanu nunna erawh chan a ngai ang. I fanu kan chhan a nih chuan i nupui damchhuah theihna chance hi a hniam hle thung dawn” tiin a hrilh a, chutia Doctor in zawhna a han zawh hnu chuan hreh hle mahsela duhthlanna siam fel a ngai. Doctor hnen ah chuan a fanu nunna zawk chu chhan sak turin a ti.

“An pahnih a chhan chu a theih ngang si loh. Amah Keyvvone pawh in a fanu nunna chhan chu a duh ngei tho ang. Naute chu thih tir zawk ila a ni chuan min haw hle zawk dawn tih ka hria a ni” tiin a pasal hial a lo sawichhuak.

Keyvonne’s fanu, Angelique Keyvonne Connie chu a nunna chhan a ni ta a, mi in phal te hnen atang hnute tui dawng in silhfen thuamhnaw te pawh an lo pe tel a ni.

FT

LEAVE A REPLY

Please enter your comment!
Please enter your name here