Delhi Ah CCYI Youth Conference An Thok Thlang Ding

0
602

CCYI hi a hmin thawn mil aw zetin leitlun huap Chinmi pawl hrangih dinmi a si nan, hruatu lubik pawl an rin um lo zar ah a ziamral rero ih an sulhnu khal theih ding a um mumal nawn lo. Asinan Delhi ih CCYI pawlkom cu tui sun nitiang a hmun ringring lai ih ke an kar netno rero lai.

Delhi CCYI hruaitu pawl cun mino pawl hrangah tiin an theitawk khawpi an rak tuah theu ih Maynmar ihsin thusim thiam le hlasa thiam tivek an sawm theu. Tui kum khalah avei 7-nak khawpi an tuah lala dingih hlasaktu dingah le thusimtu dingah Chin mipi theih lar zetmi Saya Van Duh Thang an sawm thu theih a si.

Khawmpi hi November 16,ninga sun ihsin an thok dingih November ni 18 zan ah an khar ding. November ni 16 ihsin sun zirnak le zankhawm a um dingih november ni 18,zarhpi zan ah hlunghlai zetih khar ding a si.

Zarhpi zan ahcun Delhi ih kan laimi Music thiam pawl in Awnmawi an kai dingih Delhi sung ih Chinmi hlasak thiamthiam le Saya Duhduh pawl in Pathian thangthatnak zaihla thawn mipi an awi ciamco ding.

Delhi sungih um Chinmi hrangah khawm dingih sawm na si ih hmundang , ramdang um hrangah tluangten an thehsuak theinak dingah thlacamsak dingin sawm nan si.

LEAVE A REPLY

Please enter your comment!
Please enter your name here