Duh Lo Hle Mahse A Sazu Chu Nuaibo Sak A Ni Dawn

0
2742

A dinhmun a ka in chanin ka rilru a na khawp mai. Mipa te pawh hi fimkhur leh in enkawl that hi a ngai hle a, ngaihsam tak tak a awm ringawt chi pawh a nilo. A dinhmun ang hi i chunga a thlen ve hunah chuan inchhir in i indawm kun tlawk tlawk palh mai ang tih a hlauhawm.

A ni pawh hi a dinhmun a hriatchhuah meuh chuan a lo tlai zo tawh a, engmah tih theih reng a nei ta lo. Doctor in a thurawn ang ang chu lungdam taka a pawm mai a ngai a ni.

Hunan, China a Zhuzhou City a mi Zhang hi kum 2 liamta khan University atangin a Graduat a, a Graduat hnu hian rei lo te hna chu an vuan zet a, amaherawh chu a bansan zui leh. Hna dang reng a melh tawh lo a, a nungchang te chu a inthlak danglam. A ma awm awm chuan awm ve in thian pawh a kawm ngai lem loh bak a nu leh pa te pawh chu a lo be tui tam lo.

An fapa awmdan a vang chuan a nu leh pa te pawh an ngaih a tha lo. Tum khat chu a Room ah a nu a lut a, Room a han luh chuan in thil eng emaw rimchhe tak a hria a, eng thil nge a nih tih erawh a hre thei lo. Zhang hian a nu chu a Underwear suk pawh a lo phal sak lo a ni. Chutiang taka an fapa khawsak dan a danglam leh mak avang chuan a nu leh pa te chu an fapa chungah hian eng emaw thil duhawm lo tak thleng a awm a ni tih an hrethiam.

A fapa hian an lakah eng thil nge a zep tih an han zawh chuan Zhang hian University a Second Year nih khan a serh lam ah harsatna a tawh thu a hrilh a, nasa taka a thak thin thu te chu a hrilh ta. Chu chauh nilovin a serh ah chuan a sen rawnga dots a awm thu a sawi a, mi zakzum mi tak a nih avangin a zak bawk si chuan Doctor hnen ah in entir turin a kal ngam lo.

A zahzum luat ah Doctor hnena a kal duh lohna chuan rah duhawm lo tak a chhuah ta. A nu leh pa ten in entir tura an nawr luih hnua a in entir chuan a Result chuan a thawng nasa hle. A serh chu mipa pangngai serh angin a awm lo a, a rimtui lohna chhan te chu a han hria a, Penile Cancer a lo vei reng a ni.

Zhang hian a Cancer hi phimosis buai chuan a ti chak zual hle. Hei hi serh lik (tawngkam mawilo nilo se) theih lohna a ni a, a serh hmawr vun inhawng reng chu a tha lo. Natna hrik leh bawlhhlawh lut te chuan thak leh na te a siam a, chu chuan dinhmun chhe zawk thlen in Cancer ah a insiamchhoh phah ta a, chu chu Zhang chunga thleng ang hi a ni.

Doctor pawh in han tih ngaihna vak a hre bik lo. Beisei leh tihtheih awmchhun a han hrilh chuan duh lo hle mahsela tih theih dang a nei tawh chuang lo. Doctor chuan a sazu chu nuai bo sak a tul a ti, chutia a sazu nuaibo sak a nih chuan Cancer Cell in tai darh tur chu a veng thei dawn a, a nunna atan a that zawk tur thu a hrilh.

A fapa chanchin chuan a nu a ti lungchhe tak zet zet a, a fapa nun chhan nana tih theih awm chhun chu pawm har tiin a tap nasa hle, Zhang hi an fapa neihchhun a lo ni bawk. Doctor chuan Zhang hian a sexual life a hlauh tawh dawn a, a zunna turin siamchawp artificial a hman a ngaih tawh tur thu a sawi. A khawngaihthlak awm tak zet. Heta tang hian serh enkawl that a pawimawih zia i hre thar mawlh teh ang.

WOB

LEAVE A REPLY

Please enter your comment!
Please enter your name here