Facebook ngawl vei a fanu kum 13 mi chu a hrawkah chemin zaisak

0
1251

Nu leh pate u, in fanu/fapa napang tê kha phone khawih in phalsak tawh em? Thil țha lo zir nan an hmang zel a nia. I endiksak ngai em? I duat dan kha a țha nge țha lo tih inchhût ngun ang che.

Thailand rama pa pakhat Joi (kum 41) chuan a fanu kim 13 mi, eng lai pawha facebook khawih reng ringawt mai chu a mangang tawpkhâwkin a hrawkah chemin a zaisak a ni awm e.

A pa hian vawi tam a zilhin thu a hrilh tawh a, engah mah a ngai lo, a thu sawi pawh a ngaithla duh lo va, a luhlul telh telh zawk niin an țhenawmten an sawi. Chuti nafam chu, a insum thei tawh ngang lo ni awm a ni.

A pa hian dam tlakah a ngai ta lo a ni mahna, thi turin a hnutchhiah a, a fanu naupang zawk hruaia tlan bo a tum laiin Prachuap Khiri Khan’s Thao Sake vengah police-ten an man niin ka thu lakna hian a ziak.

A nupui pawh hian an fanuin online a ruih chilh hi a pasalin vawi eng emaw zat a zilh hau thu a sawi ve bawk. A thih hmain an hmu hman hlauh a, a rang thei ang bera damdawi in panpui nghal a ni. A dinhmun erawh hriat a la ni lo a ni awm e.

I fanu/fapa kha phone hmantir hmanhmawh hauh suh ang che…

LEAVE A REPLY

Please enter your comment!
Please enter your name here