Fala Ruangah Palik Pakhat Amah Te’n Kap That Aw An Ti

0
263

Kachin ramkulh Mansi peng Manwiengyi (မန္​ဝိန္​းႀကီး) palik zung ih hnatuan palik pakhat cu hnatuan caan ih rat lai a neih lo ruangah a hnatuanpi palik pakhat in a va ko cu mipa riahnak inn ah meithal hriamhma pu in a thi a hmuh thu theih a si.

Thilcang dan cu Mansi peng Manwiengyi khua, Manwiengyi palik zung ah December 13 zaanlam suimilam 5:00 ah sakhanhmu in hnatuan thiahmi tuanvo neitu pawl zohfelnak nei in a dinter (တန္​းစီ) ih palik Kyaw Yin Aung a kim lo ruangah palik pakhat cu a va kawhter thu palik hminsinnak cabu in theih a si.

A rualpi in a va ko cu palik zung dunglam ih mipa pawl riahnak inn ah palik Kyaw Yin Aung cu meithal hriamhma tuar in a thih kha a hmuh thu theih a si.

Curuangah zinzoinak an neiih a meithal kaihmi M 22 meithal kaa ah thi a kop ih amahte a that aw a si ti zumnak thawn a ruak cu siizung ah an phur cih tiah theih a si.

“Hi thil a thlen ni hi zarhpi a si ruangah minung tampi cu biakinn an feh thluh, cun a thitu hi phar rek in meithal thawn a taksa a kap aw ih meithal awn a thang/suak lo, anih hi mi um niahni men pawl a siih a thinlung ih harsatnak ti vek kha mi sim le mi ruah a si lo” tiah cui palik zung ih tuanvo neitu pakhat in a sim.

Palik Kyaw Yin Aung ih phone zohsak a si tikah a duh zet mi fala hnenah a phi a dil ih cui fala cu a thusim ziang siarsak loin a hnolruangah amah le mah that aw dingin ca a kuat mi an hmuh thu theih a si. Ref: AKT

 

LEAVE A REPLY

Please enter your comment!
Please enter your name here