Falam Khawsung Lamzin Nylon Kattaza An Tuah

0
273

Kan ram a țhanso vivo ahcun hmunpi um hnakin lai khawte lam ah nuntu khawsaknak a nuam sinsin ding tiah thunuam relnak ah an hmang țheu. Atu hi khawkhat le khawkhat pehtlaihnak lamzin a țha vivo, ei hawlnak a nuam vivo, kan dinhmun tawkte in kan țhangso vivo. Acozah lam siseh, NGO lam khalin siseh țhansonak lam ah hmasawn dingin țan in lakpi rero.

Atu khal Chin ramkulh acozah cun Kalay – Falam – Hakha lamzin tluan Falam khawsung cu mani March 2 ihsin Nylon Kattaza an dam/burh/tuah thok tiah theih a si.

Falam khawsung lamzinpi nylon kattaza cu Tlanglo veng ihsin an thok ih bochuk lamzinpi zoi vivo in peng hnih tiang an tuah ding. Nylon kattaza burhmi hi pi 21 a kau ding. Hi hnațuan cu lamzin tawlrelnak zung in țuanvo an la tiah theih a si.

Falam khawsung nylon kattaza burhnak ahhin Chin ramkulh acozah in sumpai million 775.257 thawn tuahmi a si. Chin ramkulh sungah Falam khawsung lamzin lawngah nylon kattaza burh loin Tedim khawsung lamzin le Thantlang khawsung lamzin khal burh leh ding a si thu theih a si. Ref : Iprd Falam

 

LEAVE A REPLY

Please enter your comment!
Please enter your name here