Falam Pengih Khua Pakhat ah Phunhra Tlawng Onnak An Nei

0
1002

Khawdar Khua Ah Phunhra Tlawng Onnak An Nei

Chin ramkulh Falam peng Khawdar khua ih lailak (middle) tlawng cu suakthuan (high) tlawng dinhmun ah khaisang tahratin April 13 ah Chin ramkulh CM Salai Lian Luai in in onnak a nei tiah theih a si.

Khawdar khua suakthuam tlawng onnak ahcun Chin ramkulh CM Salai Lian Luai, ramkulh fimthiamnak lam hotu Daw Hnin Kyi, Luhmuhzi tlangbawi Pu Pau Lun Min Thang, Sinpin tlangbawi U Soe Țhet, Falam peng senpi tlangsuak palai Pu Lal Hnin le Falam peng hotu Pu Ca Awi pawlin an telpi.

Ramkulh CM le a milai pawl cu zaanlam suimilam 4:00 hrawngah Khawdar khua a thleng ih mipi in lai nunphung lam thawn sunglawi zetin an rak hmuak.

Khawdar khua cu 1946 April ah American Baptist Mission (ABM) bomnak in hramthok (primary) tlawng cu private in rak thok a siih 1956 September 1 ah acozah ih hramthok (primary) tlawng a ngah.1958 – 1959 kum ah lailak (middle) tlawng cu private in rak thok a siih 1966 April 5 ah acozah ih lailak (middle) tlawng a ngah. 2009 April 27 ah acozah ih suakthuam tlawng țhen (high school branch) onnak neih a siih cui tlawng cu 2019 May 13 ah acozah in suakthuam (high) tlawng ah khaisang in onnak neih a si.

Chin ramkulh CM cu Khawdar khua tlawng onnak a neih hnuah mipi thawn tonkhawmnak an nei. Khawdar khua ahcun zaan khat a riak dingih April 14 ah Saihmun khua mipi thawn tonkhawmnak an nei ding tiah theih a si. Ref : Salai Thang FB

 

LEAVE A REPLY

Please enter your comment!
Please enter your name here