Fu Hmuan Ih Kawl Nauhak Hlo A Ruak In An Hmu

0
791

Thailand ram Supanburi pengpi Utawng peng ih kum 2 mi Kawl nauhak pate hlo mi cu ni 9 a rei hnuah a ruak in an hmuh thu Bangkok Post in a tarlang.

Hi nauhak pate ih innsang cu Fu hmuah ah hlawh aw in an um ih December 17 ah khan a nulepa hnatuan sungah rualpi thawn rak lek in, cuti’n a hlo lanta. December 25 zaanlam suimilam 4:30 hrawngah a hlohnak ihsin kilometer 5 tluk hlatnak Fu hmuan ah a ruak in an hmu.

Nauhak pate cu bang zet le tha cem zet ih thi a si ding ti’n zumnak a um ih ziangtin a thi timi dik zet in thei dingah siizung lam ah a ruak cu zohfelnak an nei tiah Thailand thuthangca ah an ngan tel. Nauhak pate hi siizung zohdiknak vek asile a lu le ke ah hriamhma a ngah. Curuangah nauhak pate ih nulapa cun an fapa hi mi kut ih thi a si ko ding tiah an rinhlel thu SAW cun a tarlang. Hi nauhak pate hi thih menmen cun a thi tihi zohman in an nemhnget ngam hrih lo thu Bangkok Post cun a tarlang.

Supanburi hotu in nauhak pate hi mipum 700 in leiram ah kan hawl, helicopter khal in van par ihsin kan hawl tiah a ti. Nauhak pate hlohnak Fu hmuah hi Ekah thawngtel in a kau tiah theih a si. Ref: DVB, SAW, MM Live News

 

LEAVE A REPLY

Please enter your comment!
Please enter your name here