Gaza ih duhphawrhnak ah Israel ralkap in Palestine mipi mi 5 kap that

0
497

Palestine thuneitusang cun Zarhtesun (March 31) cu kan miphun ninghan riahsiat Ni a si tiah an puang ta mei a si. Palestine mipi thawng tel in Land Day timi an tuah ṭheumi avei 42 nak puai ah Israel thawn an ramri Gaza ah duhphawrhnak an neihnak ah Israel ralkap in Palestine ram mipi (civil) mi 15 an kap that.

 

“Tlawng, phunsang tlawng (universities), cozah zung phunkim le Palestine ram pumpi in March 31 cu Palestine miphun ninghan riahsiat Ni, ram hrangih martyrs ih thi pawl suun Ni asi ruangah khar/pit thluh ding tiin” President Mahmoud Abbas in mizansun (tlawngkai ni nga) ah khan a puang a si.

 

Palestinian ram Harhdamnak Zung in a phuan dan ah, mi 5 cu kap that an si ih, mipi thawngkhat le zali (1,400) lenglo cu hliam an tuar a si. Israel ralkap pawl hin mitthlir bomb (tear gas) tla nasa zetin an hmang tiah an sim.

 

Tlawngkai ni Nga (mizansun) ih an tuahmi Land Day tiih an kawhmi Ni pakhat hminsinnak cu March 30, 1976 ah khan an rak tuah thawk. Himi cu, Palestinian ram (owned land) cu Israel in an lawng ih cumi duhlonak ruangah sandahpiah in a cangvaitu Palestinian ram mi (citizens) mi 6 cu Israel ralkap in an rak that.

 

Gaza ih mipum 2 million ih 70% cu Israel in kum 1948 lai ih ralbuainak ih an rak lawnmi umnak neilo ih Gaza ih ṭhawn pawl an si, tiah an sim.

 

LEAVE A REPLY

Please enter your comment!
Please enter your name here