GCO le Cozah Ṭuantlangnak in Falam Siizungpi Thuam Ṭhatsalmi cu ṭhehfel zo

0
774

Global Chin (Falam) Organization (GCO) le Cozah ṭuan tlangnak in Falam Sizungpi cu thuam ṭhatsal a si, Dailen-inn le Rangva pawl tuah ṭhatsal thluh an si. GCO hi Lailun ih Robukin (museum) saknak dingih tawlreltu bik Pawlkom khal an si.

Mitampi in GCO theilo tla kan um men thei, Global Chin (Falam) Organization a si ih, kan khua le ram ṭhansonak hrangah nasa takih hnaṭuan rero zotu an si. Falam Cambary Tlawnginnpi khal GCO cangvaihnakin Rangva pawl mawi zetin sii hnih sal ṭheh a si.

GCO hin hmai lam ah kan khua le ram ṭhangso dingin nasa sinsin ih ṭuan ding khal an tumtahbikmi a si. GCO hi Runinn Tlun Kum avei khatnak ṭum ih dinsuahmi a si ih, kan Falam sungih upa kan neihmi zaten kimcang zetih an tel thluhnak Pawlkompi pakhat khal a si. Mino zozo khal GCO sungah member si duh maw, GCO sungih tel duhtu cu ziangtik khal welcome ringring a si.

Before & After Falam Sizungpi

Kum 2020 March thla ah “Runinn Tlun Kum” avei hnihnak neihsal ding a si ih, himi khalah GCO hi lusutu bik an si ih, ziangkim theitawkih tawlrel rerotu an si. Himi 2020 Runinn Tlun Kum ah Lailun ih sak dingmi Robukinn (Museum) khal On nak puai nei thei dingin tumtahnak neih a si.

Tuiṭum ah GCO le Cozah ṭangrualin Falam Sizungpi an thuam ṭhatsalmi pawl cu;

1. Khaan 4 kop ekinn pakhat,

2. Lihong tuahnak,

3. Siizung hmailam pi 150′ tiang concret phahnak pawl an si.

Himi hnaṭuan phun 3 hrangah acozah ih budget pekmi in a daih lo ruangah GCO in ting 80 a bawm a bawmbetnak raungih ṭhehsuak thei an si. (Sumpai cu Swiss Burma Aid ih bawmmi a siih GCO in a tawlrelnak lam ah ṭuanvo a laak). Siizungpi raangva thleng dingin GCO in engineer pawl hnen ah estimate suai ter a si ih cumi thawn budget dilin ṭuanmi a si ih, atu ahcun ṭhehsuak a si zo.

 

LEAVE A REPLY

Please enter your comment!
Please enter your name here