Hell timi a um lo titu Roman Catholic lubik Pope Francis

0
521

Kan dung tlawngkai nili sun ih Catholic hotu Pope Francis interview (thusuhnak) an neihnak ah hell (hremhmun) a um lo thu a sim tiah, Italian Newspaper cun a tarlang.

An interview nakih an thutlangpi khal “thlengawmi tiih kawh khalhi zahumnak pakhat a si” ti a si ih, La Repubblica thuthang ih Editor Eugenio Scalfari cun Pope ih zirhnak ah Pathian hnen ah sirawknak thawn ngaidamnak a hawltu thlarau ṭha (good souls) pawl cu ngaidam an si ding timi a pawm thu a rel ih, cuti asile thlarau ṭhalo (bad souls) teh ziangtin saw a si ding? Tiih an sut tikah, Pope Francis cun misualpawl ih thlarau cu an thih ihsin an hloral lanta ding, kumkhaw hremnak timi an tuar lo ding, tiah a sawn.

“Pathian hnen ihsin ngaidamnak a co ngahtu pawl cu hremnak an tuar lo ding, asinan zokhal sual a sir duhlotu le sualsir theilopawl cu ngaidam an si lo dingih an hloral cih ding” tiah Pope Francis in a sim tiin Catholic blog Rorate Caeli cun ṭawng a let.

 

Pope Francis cun “Hremhmun (hell) a um lo, asinan misual pawl hrangah hlohralnak cu a um” tiah a sim bet.

 

March 29, 2018 ih Vatican khawpi ih Saint Peter’s Basilica ih an tuahmi Holy Thursday timi pathian hrangih serh thianghlimawknak can an hmanmi cu Pope Francis in a kaihruai hai. Cumi ni lala ah Italian thuthang La Repubblica cun Pope pawl hin hremhmun (hell) a um lo tihi an zumnak a si tiah an pholang a si.

Hi thuthang an suah ihsi reilote ah Vatican cun “Rinsan tlaklo laksawngmi” men a si tiah an ti ih, Pope Francis le Italian thuthang editor Scalfari ih tawnawknak cu mahte tawnawknak men a si ih interview thupi/picang ngaingai a si lo tiah an mer sak.

 

Pope Francis hi Catholic Pope 266 nak a si ih, Catholic pope 226 lakah a mah pakhat lawnglawng hi Europe ram leng ih suak/piang mi a si.

 

LEAVE A REPLY

Please enter your comment!
Please enter your name here