Heroic Biker Chuan Traffic Jam A Tang Hmeichhia Nunna A Chhanhim Sak (+Video)

0
596

May.23 khan Central Thailand ah chuan Sorachat Sadudee (kum 51) chuan a fanu te pahnih chu Phitsanulok a an School ah chuan a hruai a, vanduaithlak takin a fanu kum 8 mi chuan kawngah buaina tawk in nikhawhrelo in a awm a, a ka atang in phuan a chhuak bawk.

Rang thei ang bera in lama thlenpui a damdawi in a hruai nghal a mamawh. Mahsela Traffic a Jam nasat em avang chuan kal mai a theih loh a, Car chhungah chuan a fanu na tuar chu a lo au harh hram hram. Mangang takin tanpuina a dil a, chutia tanpuina a dil chuan Bike khalh mipa pakhat chuan an mangan zia hriatthiampuiin a lo tanpui a ni.

Sorachat chuan a fanu chu a chau chhe hle tawh tih a hria a rang taka damdawiin panpui nghal a nih loh chuan a dinhmun a ngaihtuahawm dawn tih chiang tak in a hria.

He tlangval Itthiphon Petchphibunpong, 28 hian a va hmuh chuan tanpui dan a ngaihtuah. An hma a Car dang ding te tukverh chu va kik in thil awmdan leh hmanhmawh an ngaihzia thu a hrilh a, an Car chu tlem a tawlh sawn deuh turin a hrilh.

A hnu chuan nikhawhrelo hmeichhia Car a awm chu chawi chhuak in Bike ah chuan an hlang a damdawiin lam an panpui nghal. Minute 4 lek ah chuan Emergency Ward hi an thleng. Vanneihthlak tak in a dinhmun a tha a, ngaihtuahawm lutuk lo in a him phah ta a ni.

Sorachat chuan a fanu Kaimook chhan sak tu hnen ah chuan a lawmzia thu sawiin amah vang liau liau in a fanu hi nungdam in a la awm tih a sawi. Itthiphon chuan ka tanpui ngei a ngai a, fa ka neih ve vangin Sorachat dinhmun hi ka hriatthiam pui a, a mangang hle pawh hi ka dem lo tiin a sawichhuak ve bawk.

WOB

LEAVE A REPLY

Please enter your comment!
Please enter your name here