Hmangaihna Ah Pawh Hmangaihna Tawpkhawk A ni e

0
500

“Tuifinriat aia thuk hmangaihna”

Hetiang hi hmangaihna dik an sawi thin chu a ni thei mai a ngem? An inkar a in hmangaihna awm hi a thuk in a va han sang em. Sawifiah sen theih chi rual a nilo.

Mipa diktak chu a thu tiam ah ding nghet in a hmeichhe hmangaih chu engtiang pawh in harsatna tawk mahsela nupui atan a nei ngam tur a ni a, chu chu mipa dik tak tih tur a ni reng bawk.

A hmeichhe hmangaih chuan natna khirh tak a vei a, thihna ko tlanga a din mek lai chuan in kiansan chu sawi loh a hun neih chhun a damchhung reilo te tal chu an awmdun a nupa an nih theihna tur in nupui atan a lo nei.

Amah hi Alec a ni a, a hmeichhe hmangaih Samantha chu damdawi in ah thi mai thei in hun a hmang a, natna tihbaiawm an sawi thin Cancer natna chuan a taksa chu a zem a ni.

Alec hian a hmangaih Samantha in Cancer natna a vei tih a hriat tirh chuan a rilru pawh a na hle. Mahsela a hmangaihna erawh a kiam phah chuang lo. Ruahsur tlenfai tawk lek nilovin a thinlung zawng zawng in a hmangaih a ni. A natna chuan a hmangaih zual tir sawt zawk.

A thih hma chuan Alec hian Samantha hi damdawi in ah chuan nupui a tan neiin thu a thlunpui a, khuma mu chung in “Yes! I Do” an ti dun a, an thian leh laina hnai mi 20 te chuan an inneihna hi an hmanpui.

Inneihna hi Telford, Shrops a Severn Hospice ah neih a ni a, an nu leh pa te ve ve pawh in an telpui thei. An inneih ni chu hlim takin thla te la in hun an hmang , mahsela an hlim ni leh hun an hmandun erawh a rei lo lua. An inneih atanga ni 6 a liam chuan Alec chu a nupui Samantha chuan damchhunga inhmu leh tawh lo turin a kalsan ta a ni.

“Kan inneihni chu hun harsa tak ang in lang mahse kan hlim hle a sin. Vantlang tana mi tangkai a nihna te chuan mi tam tak thinlung a khawih a, a vuina ah pawh mipui 300 chuang lai an kal a ni. A va ropui em. Chhungkua din a fa neih hial te kan lo suangtuah ve neuh neuh laiin kan chungah hetiang thil hi a thleng a, hriatthiam har pawh ka ti in ka thinlung hi chhun ang mai in a na hle a ni” tiin Alec hian a lo sawichhuak.

LEAVE A REPLY

Please enter your comment!
Please enter your name here