Hmangaihna Avangin Khawvela A Hmasa Ber Anih Theihna Tur Duh Lehlo

0
965

Han hlawhtling ngat se chuan khawvela a hmasa ber tur a ni thei dawn. Mahsela a theih chiah a ngem tih erawh sawi chian dawt theih a ni lo a, a hmasa ber ni tur chuan huaisen thawkhat ve tak nih a ngai ang. A chhan leh vang chu hlawhtling leh hlawhtlinglo thei dinhmun a ni.

Russian pa, taksa lama mi pangngai te ang pha lo Valery Spiridonov, 33 hi khawvel awm chhunga a hmasa ber turin Head Transplant nei turin a in pe (volunteer) a, amaherawh chu Operation hi ro khawlh na dang vangin neih leh a ni dawn lo.

Professor Sergio Canavero, ‘Dr Frankenstein’ tia hming an lo vuah chuan Head Transplant hi neih a lo tum a, khawvel a a hmasa ber tur a ni a, Risk sang tak thil a nih bawk vangin mi tam tak bengverh tak mai a ni hial reng.

Amaherawh chu vanduaithlak takin Head Transplant tura lo in pe Spiridonov hian Operation hi a Cancel a, a chhan pawh a hringnuna hmeichhia a tawn vang leh a zuna a luan liam em vang a ni. Anastasia Panfilova nen chuan damlai par an tlan dun chho mek zel a, chawlhkar 6 liamta lawk ah khan an fa hmasa ber tur an lo nei.

A fa hmel a hmu a, a hmeichhe hmangaih nena chhungkaw din zai an rel chhoh mek lai in Risk sang lutuk neih chu a ngai ngam bik leh ngang lo a ni ang. Operation hi Cancel a ni a, tunah chuan Americ ah an lo insawn tawh a, University Of Florida ah computer analysis vel a lo zir daih.

Werdnig-Hoffman disease an tih ang chu a vei a, chu chuan hetiang hian mi pangngai te taksa ang lo in a awm tir phah an ti. A hringnuna a hmeichhe hmangaih leh a fapa a han tawn tak chin ah chuan a inthlak danglam tak zet. A hmangaih Anastasia hian Wheelchair a thu te hian ngilneihna leh rinawmna thuk tak an nei tiin Spiridonov chungchang hi a sawi nghe nghe. Anastasia hi chemical technology ah master degree a ni a, Italy ah lehkha zir thin.

Spiridonov pawh hian a hringnun hman mek chu nuam a tih thu sawi. Hetiang Head Transplant hi a awmzia chu mihring lu kha midang taksa ah va vuahchhawn ni a, thil theih ang pawh in a lang lo. Amaherawh chu Science thiamna lam atang a theih miau a ni an ti ve tlat.

KT

LEAVE A REPLY

Please enter your comment!
Please enter your name here