Hmangaihna Hian Pawnlam Landan A En Lo, Chhungril Lam Atanga Chhuak Zawk A Ni

0
1160

Hmangaihna hi a thuk in a va sang em. Hmangaihna dik tak chuan pawnlam landan a en lo a, thinlung a thlir zawk thin. Hausa leh retheih a thliar bawk hek lo.

He mite chanchin atang hian hmangaihna hlutzia leh a rinawm zia a chiang hle in ka hria. An inhmangaihna chu engthil mah in a dang zo lo. A hmel landan chu danglam mahsela chu alan dan chuan kalsan a hnek in a hma aia nasa in a hmangaih zual tir sauh zawk a ni.

Australia a mi Turia Pitt leh Michael Hoskin te hi naupang te an nih laiin School an kal atanga intawng chho tawh an ni a, an pahnih hian an in hmangaih dun hle bawk.

Chutia an hlim dun em em lai chuan vanduaina an tawk a, Turia Pitt chu kang(burn) in a chungah vanduaina a thleng. A taksa 65% zet chu a kang chhia a, a hmel landan te chu a danglam zo ta vek.

A kutzungtang 7 zet te chu a chan phah. A hmangaih em em taksa kangchhia vanga landan a danglam zawh tak ah chuan Michael Hoskin tan pawn a beidawnthlak hle in a lang. Amaherawh chu Turia Pitt hi dinhmun chhe bera a din lai chuan Michael hian kalsan mai lo in a kiangah chuan a lo awmpui tlat a, a hma aia nasa zawk in a bialnu chetsual hnu hian a hmangaih zawk tih turin a ngaihsak.

Turia Pitt hian Operation hrang hrang a lo paltlang tawh a, vanduaina a tawh hnu hian kum hnih chhung chu a hmel a hliahkhuh tlat. Accident thlen hma hian Model hial a lo ni bawk.

“Amah ka en in ka lo hriat thin leh a tawna ka lo luan liam em em Turia tho kha ka hmu a ni” tiin Michael hian a sawichhuak. Tanpui leh chhawmdawl a ngaihna a pianga pui turin a awmpui tlat.

Michael hian zungbun nen Turia Pitt hi inneihpui atan a sawm a, nupa ah an insiam zui bawk. Michael an dinhmun chhe ber a chan lai pawh a kalsan lo a a hmangaihna a han hmuh chuan Turia pawh a hlim in a mittui a luang hial. “Ka landan leh ka nih dan zawng zawng in min pawm a, a ni ka tawng hi he khawvela mi vanneih ber ka ni” tiin a sawichhuak ve bawk. Nikum 2017, Dec.7 khan an fa hmasa ber ni turin mipa Hakavai Hoskin tia hming an koh chu an lo nei.

Feedy

LEAVE A REPLY

Please enter your comment!
Please enter your name here