Hmeichhe Naupang Chuan A Ka Chhungah Air Hose Rawlhin A Chuap Achhe Vek

0
648

Taiwan rama hmeichhe naupang kum 3 mi chunga thleng hi a rapthlak in a khawngaihthlakawm khawp mai.

A hming tarlan loh he hmeichhe naupangte hian Petrol Station ah a ka chhung ah chuan Air Hose chu a rawlh/thun in a Chuap chu a chhiat phah vek a ni.

Vanduaina a thlen hnu ah hian hmeichhe naupang hi rang taka south-western Taiwan a Kaohsiung Veterans General Hospital panpui a ni. Mahsela Doctor chuan a chuap chu a chhe hneh hle a, a nunna han chhan theih chi zia zang a ni tawh lo tih a sawi.

Taiwan Police te chuan he hmeichhe naupang boral na ah hian a pa Mr. Kuang chu mawhphur tu ber ah puh a ni a, a fanu chungah thil alo ruahman lawk sa emaw tihpalh a thleng pawh nise mawhphur thei dinhmun ah a ding ve ve.

Mr. Kuang hian a fanu chu Car atang hian chhuak in a ka ah chuan Air Hose hi a rawlh/thun in vanduaina hi a thleng ta niin a sawi. A fanu chu thawk pawh a thaw tawh lo a a landan chu a danglam vek thu detectives te chu a lo hrilh.

Mahsela an han chhui chhoh zel chuan Mr. Kuang an a thil thlen dan a sawi chu CCTV nen a inmil tlat lo. A fanu Car atanga a chhuak anga a sawi chu CCTV ah erawh chuan a fanu hian passenger seat hmalam a chhuahsan reng reng lo a ni tih chiang takin a lang. Hei vang hian rinhlelh a kai leh zual. Thu thar hriatchian tum in a chhui hna pawh an la kalpui zel.

DM

LEAVE A REPLY

Please enter your comment!
Please enter your name here