HMEICHHE NAUPANG KHAWNGAIHTHLAK

0
1086

I hmuh ang hian a chungah vanduaina in thla a zar a, a lainatawm hle a ni. Mahsela vanneihthlak tak in midang te ang in hringnun pangngai tak a chhiar chho ve thei dawn ta.

He hmeichhe naupang khawngaihthlak hi Chile a Villa Alemana mi kum 5 a upa Ignacia Sanmartin a ni a, a khabe leh a biang ah chuan bawk (tumour) awm in a nghawng ah a awm bawk. Midang te ang hmai pawh a nei ve lo.

Bawk chu a tir ah chuan te tak te in a intan a, a hnu ah chuan rawn thanglian chho zel in chu chuan thil ei bak ah thawk na lam thleng in harsatna a tawk a, a thaw tha hleithei lo.

A hringtu a nu leh pa te pawh a dinhmun vang chuan an buaiin an mangang ve tak zet. An fanu dinhmun chu hmangaihna mit atang chuan thil hmuh hrehawm tak mai a ni.

A natna hi lymphangioma tia sawi a ni. A nghawng a malfunctioning lymph vessels in hetiang hian a thlen chho. A hringtu a nu Danitza chuan bawk vang chuan a fanu hian thawk a harsat a, thial a thei lo. Bawk awm chuan a fanu hringnun chu a tibuai tak zet zet a ni.

Bawk (tumour) thang lian zel tur chu tih tawp an han tum a, risk an la. maxillofacial surgeon, Dr Gonzalo Rossel chuan Surgery a nei ta a, darkar 14 zet Surgery a han neih hnu chuan hlawhtlinna parmawi a chhuah ta a, hringnun pangngai tak chu a chhiar chho ve thei dawn.

Mahsela bo hlen nghal tawp tur chuan a la sawichian hleih theih loh. Lymphangiomas hi taksa hmun hrang hranga thleng/awm thei a ni a, amaherawh chu a tlangpui thu in lu leh nghawng ah te a awm tlangpui thin.

Dailymail

LEAVE A REPLY

Please enter your comment!
Please enter your name here