Hmeichhe Police Officer Khawngaihthlak Chunga Thil Thleng Hi Chhungte Tan Chuan Hriatthiam Ava Har Dawn Em

0
1660

Police hna hi hna zahawm tak ni a mipui tana rawngbawl an nih reng rual hian an nun chu dinhmun hlauhawm leh khirhkhan taka ding thei dinhmun ah a awm bawk.

California police officer hmeichhia kum 22 a upa Natalie Corona chunga thleng hi a chhungte tan chuan hriatthiam a har in rilru leh thinglung a na vawng vawng viau ngei ang.

Natalie Corona hi kar tam pawh liam lo atang chauh khan Police hna hi zawm in Davis Police Department ah hna a thawk tan a. Mahsela vanduaithlak tak in downtown bul hnai lawk Fifth & C streets ah lirthei chesual a thli thlai tumin silai a kah a ni a, Sacramento a UC Davis Medical Center panpui ni mahse a nunna chhan hman lohin a boral zui ta a ni.

Hetia inkahna a thlen hnu hian Police dang te chuan thil thlenna a a kap tu nia rinhlelh chu an zawng. Mipa pakhat chu silai hmang in amah leh amah a intihlum a, a ni chu Corona kap tu hi a nih ngei rin a ni.

Corona hi a pa chu kum 26 lai mai veteran Colusa County Sheriff’s Office a ni. Kum liam ta July thla ah Sacramento Police Department’s training academy atang a Graduat. swearing ceremony ah chuan a pa hian a uniform ah chuan badge a lo kilh sak nghe nghe bawk.

Amah hi hna a in pe zo tak mi a ni a, a Social Media Post atang te pawhin a hna in a rilru a luah zia a lang. Davis Police Department te chuan an Facebook ah Officer Corona thlahna hi an nei. Corona hi kum 60 lai a liam hnua Davis police officer zinga Duty laia nunna chan hmasa ah a tang a ni. A khawngaihthlak awm tak zet.

DM

LEAVE A REPLY

Please enter your comment!
Please enter your name here