HMEL PANGNGAI A NEIH VE LOH VANG A A HRINGTU NU NGEI IN A TUITHLAR TAK HIAL CHU TUN AH HMEL THAR A NEI VE TA

0
432

Ka thinlung zawng zawng in ka khawngaih tak zet zet a ni. A landan vang hian amah pawh in hrehawm a ti a, mite hmel panngai ang a neih ve loh vang chuan midang te kiang ah pawh hun hmang ve thei lo in a awm.

Ivory Coast a mi rawlthar kum 18 a upa Kambou Sie (Prosper tia hriat bawk) chuan a chungah vanduaina tawk in midang te hmel ang lovin hmel sawi tur pawh nei ve lo khawp in a hmai chu a sawrbawk vek.

Piantirh atanga hetianga awm sa erawh a nilo. Kum 10 a nih in a hmai chu a bawk tan a, a biang ah chuan nasa lo te in a tir ah chuan intan in mahsela a hnu ah chhuan a lian chho ta zel a, hmel nei lo khawpa sawrbawk in a awm zo.

A chunga vanduaina vang hian a khawhmuh pawh a harsa a, a awmdan chu inkhawiha kai theih a nih te mite chuan ring in, tawh pawh an tawk tha duh lo. A pa chauh chu amah thlawp a atana ding reng awmchhun a ni. Hun harsa a tawh laiin a hringtunu ngei pawh in a landan avang chhuan a fa atan a thlauh thla hial.

A natna hi Cancer Form ang a ni a, Burkitt lymphoma tiin an sawi. Lungngai tak a a indawmkun lai chuan a lunngaihna chu tikiang a tanpui a ni. Italy a Naples Pascale Hospital ah chuan enkawl a ni a, Surgery hmanga thawm that a ni. Thla 6 zet chu chemotherapy, radiotherapy leh stem cell replacement a nei a, chu chu a hmai sawrbawk zel tur venna a ni.

Hmel panngai tak chuan chhuah theilo mahse a hma ai zawka hmel mawi chu a nei ve ta. Chu chuan a ti hlim tak zet. Hman ah kha chuan mite hmuh leh an kianga awm pawh theih loh kha tun ah chuan midang te kawm in a infiam in pawnchhuah pawh a zak tawh lo.

A chenna in Ivory Coast ah chuan kir leh in mite chuan lo lawm lem lo mahse a pa chuan ban phar in lawmpui hle thung a, hun khirh a tawn laia amah thlauhthla tu a nu pawh in hmel thar neih tak hnu ah a fapa atan koh kir leh ngei a duh ve leh.

Dailymail

LEAVE A REPLY

Please enter your comment!
Please enter your name here