Hnen-um Pakhat cu Ekin (Toilet) sungah an riak ter

0
424

Hmun dang ram dang ih mi hnen-um hnaṭuan a ṭuantu kan farnu, kan nau le pawl hi lainat an va um tak em. Vei tampi ah an Boss tei’ hmuhsuam, ti duhdah le dekcok an tuar ding si khawh, timi ruah tikah zangfahnak a luar sinsin. Mi ṭhen khat company ih ṭuanpawl cu mahte inn sangin asilole, an boss pawlih pekmi inn tivekah an um thei ih an duh duh in an khawsa thei. Asinan hnen-um hi cu a har ah maw, a nawm ah maw, an boss tei’ inn ih um a si tikah ruah an harsa hleice.

Philippine nu pakhat cu Jordan ram ah hnen-um hnaṭuan dingin a feh ih, a boss te hin a umnak ding pindan (room) khal an pe duh lo hlei ah, ek-in (toilet) sungah an riakter men a si. Hi thuthang maksak le danglam tak hi Facebook hmangtu Selah M. Jasa timi cun amai’ Facebook ah hi thu hi tarlang in a rualpi in hivek hmuhsuam le tiduhdahnak harsatnak a ton thu a post a si.

Ekin (Toilet) sung rori ih an riak termi hi minung canvo, minung man neihnak hmuhsuam ih buartu an si ti a theihtheih nasa. Philippine nu hin Ekin ih a ihnak le a khawsak dan pawl cu Zuk thawn a rualnu hnen ah a kuat ih, a rualnu cun Social Media pal tlangin bawmnak a dil sak ih Philippines rampi tiangin a theihpi zo. Hi hnen-um fala hi Philippines ram cozah cun kawh kirsal an tum ih, Jordan ram ih Philippines embassy khal an be fel zo tiah theih a si.

Mi khua le ram, hmun dang ram dangah hnaṭuan in kan vakvai ih, mi ṭhen nuam zet an um rualrual in mi ṭhen harsa taktak an um a si. Mi ṭhen an nom ruangah nuam ṭheh dingah ruat pang hlah. Ralring awla ziangkim thuhla zingzawi fel ta aw. Harsat na ton tikah, na inntek te in an lo hmuhsuam ih minung canvo siatbal khawp ih an lo hmuhsuam asi ahcun cozah thuneitu hnen ah simthan tengteng aw. Ref: Reachfeed

 

LEAVE A REPLY

Please enter your comment!
Please enter your name here