Hnen-um pakhat mipi lakah a Pinu in ningzak mualpho takin a kok ciamco

0
582

Himi Video ka zoh tikah, kan Laimi kan farnu pawl ka mitthlam ah an cuang tuk. Ziangtlukin so hnen-um si a har ding? Inntek tei’ mithmai zoh har dan ding, mai’ duhmi tirawl hman thei ngamlo tlun ah zan ithhmuh an khawp lo bet, an inntekte in rannung sor in an sor fawn. Kan Laimi ramdang (Singapore, Macau, China) ih hnen-um hnaṭuanpawl kan lo zangfak tuk ee.

 

Hong Kong ram ih hnen-um hnaṭuantu Philippine nu cu a pinu in mi tampi hmai ah ningzak mualpho in renlo takin a kok ciamco. A thupte in kiangkap umpawl in VIDEO an rak zuk ih Online social media ah an upload. Hi Video zoh tikah, mipi lak hman ih hitlukin hnen-um a kok a si ahcun, zohman ih hmuh lonak an inn sung ahcun ziangtlukin so a kok ding, timi cu ruah harsaza ngaingai a si.

 

Hi Video upload tu hi Lindy Paclibar timi a si ih a Facebook ahcun “Hi hnen-um nu cu an inn ahcun ziangtlukin so a roh sinsin ding, mipi lak hman ih hi tluk cu..Hnaṭuan lo bawmtu in biscuits a ei asi ahcun na rilrawng maw si tiah sut aw. Can rei tuk na lekawknak ah na fate le na hnen-um an rilrawng ih biscuits an rak eimi a si men thei. ” tiin a ngan. (An mai’ ṭong ih nganmi lehsawngmi a si).

 

Thuhla umdan ah, naute cu hnen-um nu in biscuits ei phah in a kilkhawi rero ih naute cu biscuit tla a pe. Cui’ a biscuit pekmi ruangah a pinu cu thinheng in mipi lakih a auh ciamconak a si. Hnen-um nu khal hnen-um a sinak thei-aw in mi lakah a pinu sawn zutzo loten daiten a rak um mi hin mipi thinlung a tham zet ih, thiam khal a co phah zet.

 

VIDEO ah rak zoh awla ziangbik ciah ha an rel;

 

LEAVE A REPLY

Please enter your comment!
Please enter your name here